POP 5

Lajmet më të lexuara të 5 minutave të fundit

Kultura

Rubrika 'Në librari' me katër tituj të rinj! Nga studimi 15-vjeçar për Pashkun, tek romani i Cergës! Karagaci si pjesë e 'Skandal' e libri intrigues i  Shuteriqit për fëmijët

Rubrika “Në Librari” përgatitur nga gazetarja Anila Dedaj vjen këtë fundjavë me katër tituj të rinj.

Rubrika “Në Librari” vjen këtë fundjavë me katër tituj të rinj.

-Titulli: “Hejza e Pashkut”
Autor: Behar Gjoka
Shtëpia Botuese: BUZUKU
Çmimi: 6 euro

Anton Pashku si një realitet letrar e gjuhësor që duhet zbuluar. “Hejza e Pashkut” (shtëpia botuese “Buzuku”) me autor Behar Gjokën shpalos përmes një studimi 15-vjeçar një prej shkrimtarëve më të jashtëzakonshëm të letërsisë moderne shqipe. Gjoka analizon në librin e tij dramën, tregimin, romanin dhe “hejzën” e lartësisë estetike që e ndan atë nga të tjerë autorë.

-Titulli: Kohë dashurish të harruara
Autor: Ardian Cerga
Shtëpia Botuese: Albas
Çmimi: 1300 lekë

Me një galeri personazhesh real, ku vendos veten në qendër, Ardian Cerga, sjell në një rrëfim të sinqertë e të drejtpërdrejtë “Kohë dashurish të harruara” (Shtëpia Botuese “Albas”).  Një roman  që flinte tek ai prej vitesh dhe që e  shkruan në vetëm 25 ditë. Copëza nga jeta e aktorit prej largimit të tij në Berat, kufizimeve për të ushtruar profesionin, dashuritë, deri tek elementët më thelbësorë të jetës, gjatë sistemit që lamë pas. Shikon sot pika të ngjashme, e përmes botimit të tij, kërkon të trokasë në kujtesë, për të zgjuar memorien për atë që ka ndodhur përmes përvojës personale.

Titulli: “Kalendari i ëndrrave të mollës”
Autor: Natasha Shuteriqi
Shtëpia Botuese: Albas
Çmimi: 400 lekë

I përzgjedhur në Panairin e Librit si vepra më e mirë në letërsinë për fëmijë për këtë vit,  “Kalendari i ëndrrave të mollës” (Shtëpia Botuese “Albas”), është më shumë se një libër. Proza poetike e autores Natasha Shuteriqi ndihmon vogëlushët në zhvillimin e komunikimit e mendimit kritik përmes një dialogu, mes fëmijës e mollës.

Titulli: “Ëndrrat dhe dashuritë e një jete”

Autor: Mihail Karagacis
Shtëpia Botuese: Pegi
Çmimi: 2000 lekë

“Ëndrrat dhe dashuritë e një jete” (Botimet Pegi), një nga romanet më të njohura të letërsisë moderne greke vjen për herë të parë në shqip, me një gjuhë të pasur e të rrjedhshme nga Romeo Çollaku.  Libri është pjesë e koleksionit skandal të shtëpisë botuese “Pegi”.

SI.E.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça