Kryetari i Kuvendit, Gramoz Ruçi, drejtoi sot një mesazh me rastin e 75 vjetorit të krijimit të Brigadës XV Sulmuese.
“Në 75 vjetorin e krijimit të Brigadës së XV, këtij formacioni heroik të Ushtrisë dhe të Luftës Antifashiste Nacional-Çlirimtare, përshëndes veteranet, veteranët dhe pasardhësit e luftëtarëve të Brigadës së XV Sulmuese dhe të formacioneve të tjera të Luftës Antifashiste Nacional-Çlirimtare.
Uroj nga thellësia e zemrës që me luftëtarët, veteranët dhe pasardhësit e tyre, i festofshim për jetë e mot përvjetorët e shënuar të çlirimit të atdheut dhe të krijimit të formacioneve të ushtrisë partizane, të cilat çliruan Shqipërinë dhe na vendosën në anën e kombeve antifashiste e liridashëse.
Brigada e XV u krijua dhe zhvilloi betejat e saj të pashëmbullta për nga heroizmi në zemër të Shqipërisë. Kur them në zemër të Shqipërisë nuk kam parasysh vetëm territorin, por kontributin e zonës së Pogradecit dhe Korçës në Luftën e madhe Antifashiste dhe Çlirimtare. Ishte kulmi i Operacionit të Qershorit dhe në Shqipëri kishte filluar të ndihej era e lirisë që po sillnin bijtë e popullit, të rreshtuar në formacionet luftarake të Ushtrisë Partizane. Partizanët shqiptarë e ëndërruan, e dashuruan dhe e sollën lirinë në atdheun e tyre.
Inaugurimi i Brigadës së XV pati një tipar të veçantë. Luftëtarët e përfshirë në rradhët e saj nuk patën kohë të festonin, por edhe ditën e themelimit vazhduan betejat luftarake. Brigada e XV u pagëzua në zjarrin e betejave fitimtare kundër pushtuesve. Si Kryetar i Kuvendit të Shqipërisë, por edhe si qytetar përulem sot me nderim të thellë para veprës së 1.200 luftëtareve e luftëtarëve të Brigadës së XV, të batalioneve që formuan këtë formacion si “Fuat Babani”, “Hakmarrje”, “Skënder Çaçi”, “Reshit Çollaku”, “Tomori”, “Rinia” etj., para kujtimit të komandantit Teki Kolaneci dhe Komisarit Shahin Rukaj dhe drejtuesve të tjerë të formacioneve luftarake të Brigadës.
Brigada e XV shënoi epope heroizmi kudo ku zhvilloi betejat e saj luftarake kundër pushtuesve e kolaboracionistëve: në Korçë, Pogradec, Librazhd, Elbasan, Qafë Thanë, Mirakë, Xibrakë, Labinot, Qafë Kërrabë, Bradashesh, Qukës, Delvinë etj. Gjej rastin të përsëris se asgjë nuk është më frymëzuese sesa Lufta Antifashiste Nacional-Çlirimtare, ndër stolitë më vyera të popullit shqiptar. Lufta Antifashiste Nacional-Çlirimtare nuk vjetërohet kurrë dhe nuk do të shlyhet asnjëherë nga kujtesa kolektive e shqiptarëve. Veprën e lavdishme të partizanëve shqiptarë, të vajzave e djemve të Shqipërisë që luftuan e ranë për lirinë, e kemi të gjithë për detyrë ta nderojmë, pavarësisht bindjeve e partive.
Antifashizmi nuk është çështje bindjesh apo simpatish politike, por një qëndrim kombëtar. Antifashizmi është zgjedhja të jesh pro popullit tënd, pro lirisë, pro sistemit demokratik, pro progresit, pro Europës dhe ShBA. Lavdi partizanëve shqiptarë, dëshmorëve dhe heronjve të Luftës Antifashiste Nacional-Çlirimtare! Lavdi heronjve, dëshmorëve, partizaneve dhe partizanëve të Brigadës së XV Sulmuese Heroike!
Komente
Lajme të tjera
-
FOTOT/ Nga politikanët, diplomatët, artistët te mjekët e policët, kush mori pjesë në darkën e iftarit të shtruar nga Rama! Nuk mungon Gramoz Ruçi
9 Prill, 08:42 -
Masakra e 2 prillit/ ‘Repolitix’ sjell dokumente ekskluzive: Gramoz Ruçi i raportonte Ramiz Alisë për 4 protestuesit e vrarë në 1991
2 Prill, 21:20 -
Rikthimi i gardës të vjetër në PS sinjal për përballje titanike në zgjedhjet e 2025!
11 Shkurt, 12:21
-
SHIKONI FOTOT/ Asambleja e PS-së, bën bashkë të vjetër e të rinj Rama me atlete! Nuk mungojnë Ruçi, Dokle as Bushati e Lame
11 Shkurt, 11:24 -
“Një ditë terror, një vit qetësi” postulati nazist që komunistët përdorën për të shuar kryengritjen e Postribës! Ende s’ka drejtësi
1 Tetor 2023, 15:27 -
‘Edhe pse ishim ‘sterrë’ nga biografia prej vëllait tim, që ishte pushkatuar si ‘armik’, Gramoz Ruçi, na erdhi në shtëpi dhe…’ Dëshmia e fshatarit nga Tepelena
16 Korrik 2023, 18:39 -
32 vjet Parti Socialiste/ Rama: Karikojmë bateritë për 2025! Mbyllni shtigjet e vjetra ku hyjnë dorëgjatët
12 Qershor 2023, 08:13 -
Del Procesverbali/ Nazif Bezhani: Dosja e Rustem Gjatës si spiun i UDB është shumë e madhe! Gramoz Ruçi: Pse Berisha e zgjodhi në Kushtetuese?
2 Maj 2023, 16:32
-
Sot një vit Gjykata Kushtetuese rrëzoi kërkesën e mazhorancës për ta shkarkuar si President, Meta: Kuvendi falsifikoi dokumentet, SPAK ende asnjë hetim
16 Shkurt 2023, 18:53 -
Ku je Gramoz Ruçi? Kur bilbilat këndonin jashtë Parlamentit!
16 Shkurt 2023, 17:53
-
Ylli Pata: ‘Plumb ballit’, efektet 30 vjeçare të dhunës si mjet politik në Shqipëri
20 Shtator 2022, 18:32
-
Veliaj takon Ruçin: Nuk ka si të dielat me shokun Gramoz
11 Shtator 2022, 14:52
Botoje ne Serbi dhe Rusi kete fjalim. Atje e ka vendin.
PërgjigjuKur flet dhe ky qe ka cu rob ne burg para 90
PërgjigjuTe lumt goja Z. Ruci dhe tregoja dhe atyre qe mendojn se ne kemi filluar se egzistuari nga 90a e mbrapa. Respekte gjithmon heronjve Shqiptar.
Përgjigju