Kryetari i Kuvendit, Gramoz Ruçi, priti Ambasadorin e Japonisë, Mitsuyuki Takada, me rastin e fillimit të mandatit të tij në Shqipëri.
Pasi i shprehu urimet për detyrën e re, Kryetari Ruçi vlerësoi marrëdhëniet shumë të mira ndërmjet Shqipërisë dhe Japonisë dhe shprehu vullnetin për forcimin e tyre në të ardhmen. Vitin që vjen marrëdhëniet dypalëshe midis Shqipërisë dhe mbushin një shekull.
Kryetari Ruçi shprehu gjithashtu mirënjohjen për ndihmën e dhënë gjatë këtyre viteve nga Japonia, e cila është një nga vendet donatore më të rëndësishëm për Shqipërinë, duke dhënë rreth 400 milion USD mbështetje financiare në formë grantesh, asistencë për bashkëpunim ekonomik, kredi të buta në arsim, shëndetësi, infrastrukturë, mjedis, energjetikë etj. Mes dy vendeve janë nënshkruar 15 marrëveshje dhe janë në proces disa të tjera.
“Marrëdhëniet shqiptaro-japoneze janë një rast tipik kur distanca fizike sfidohet nga ndjenjat e ngrohta të miqësisë dhe bashkëpunimit. Rritja e interesit gjeopolitik të Japonisë për rajonin e Ballkanit Perëndimor, me Iniciativen e Bashkëpunimit me Ballkanin Perëndimor krijon mundësi të reja bashkëpunimi konkret me Japoninë. Gjithashtu, ajo vlerësohet maksimalisht dhe konsiderohet si një nismë shumë e rëndësishme për zhvillim e mbështetje për integrimin e vendeve te rajonit.”, vuri në dukje Kryetari i Kuvendit, Gramoz Ruçi.
Ambasadori Takada vlerëosi gjithashtu bashkëpunimin shumë të mirë dypalësh dhe vuri në dukje se vizita e Kryetarit të Kuvendit të Shqipërisë në Tokio në nëntor të vitit 2019 i dha një shtysë te re këtyre marrëdhënieve.
Kryetari Ruçi dhe Ambasadori Takada biseduan edhe mbi aspektet e bashkëpunimit midis parlamenteve të të dy vendeve dhe fuqizimit të diplomacisë parlamentare si një instrument i rëndësishëm i bashkëpunimit dypalësh e shumëpalësh.
Lajme të tjera
-
Shqipëria pjesë e SEPA, lajmi fantastik jepet në eventin e Bankës Botërore! Por kush ishte prezent në këtë event?
22 Nëntor, 20:12 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Liga e Kombeve/ Ndeshja ndaj Shqipërisë të martën, tekniku ukrainas Rebrov: Po përgatitemi për takimin e rëndësishëm
17 Nëntor, 22:30 -
Biden takon liderët e Koresë së Jugut dhe Japonisë
15 Nëntor, 22:24 -
Rraklli në Report TV për ndeshjen me Çekinë: Të kalojmë të parët në avantazh dhe të vrasim ndeshjen! Ata luajnë për barazim, Silvinjon e këshilloj që...
15 Nëntor, 19:52 -
Trump emëroi Marco Rubio në krye të diplomacisë, Hasani bën reagimin e parë nga Shqipëria: Mirëpresim të forcojmë më tej lidhjet midis dy vendeve!
14 Nëntor, 11:44 -
Shqipëria dhe Emiratet e Bashkuara marrëveshje për krijimin e kompanisë së përbashkët të prodhimit të energjisë! Investime në vendin tonë dhe rajon
12 Nëntor, 14:22 -
Korçë/ Ambasadorët e Gjermanisë dhe Francës për arrestimet e fundit: Mbështesim punën e SPAK dhe integrimin e Shqipërisë
11 Nëntor, 13:05
-
Marrëveshja e emigrantëve Itali-Shqipëri, Meloni: BE interesim të jashtëzakonshëm për paktin me Ramën! Mora solidaritet nga partnerët në Bruksel
8 Nëntor, 18:26 -
Koreja e Veriut kryen një provë me raketa balistike me rreze të shkurtër veprimi
5 Nëntor, 15:16
