POP 5

Lajmet më të lexuara të 5 minutave të fundit

Politikë

Ruçi uron kryeparlamentarin estonez për Ditën e Pavarësisë: Mirënjohje për mbështetjen për çeljen e negociatave dhe për Kosovën

Kryetari i Kuvendit, Gramoz Ruçi, i ka dërguar një letër urimi Presidentit të Parlamentit të Estonisë, Henn Põlluaas, me rastin e Ditës së Pavarësisë.

Ruçi uron kryeparlamentarin estonez për Ditën e Pavarësisë: Mirënjohje për mbështetjen për çeljen e negociatave dhe për Kosovën

Kryetari i Kuvendit Gramoz Ruçi

Kryetari i Kuvendit, Gramoz Ruçi, i ka dërguar një letër urimi Presidentit të Parlamentit të Estonisë, Henn Põlluaas, me rastin e Ditës së Pavarësisë.

Ai shkruan se Estonia është një vend mik dhe partner i Shqipërisë në NATO, si dhe një mbështetje për integrimin e vendit tonë në BE.

Ruçi shprehu mirënjohjen e tij lidhur dhe me mbështetjen e Estonisë ndaj Kosovës dhe aspiratave të saj auro-atlantike.

"Shpreh bindjen se Kuvendi i Republikës së Shqipërisë dhe Riigikogu i Republikës së Estonisë do të vazhdojnë të kontribuojnë në forcimin e marrëdhënieve e bashkëpunimit midis të dy vendeve e dy popujve tanë.”, shkruan Ruçi.

Letra e plotë e Ruçit:

“Me rastin e Ditës së pavarësisë së Republikës së  Estonisë, në emër të Kuvendit të Republikës së Shqipërisë dhe emrin tim personal,  Ju përcjell urimet e mia më të përzemërta.

Shpallja më 23 shkurt të vitit 1918 e Manifestit  të të Gjithë Qytetarëve dhe publikimi i tij më 24 shkurt shënoi themelimin  e republikës së pavarur dhe demokratike të Estonisë. Këto dy ditë janë ngjarje të shënuara me rëndësi historikë për popullin estonez dhe të ardhmen e tij.  

Estonia është një vend mik dhe partner i Shqipërisë në NATO si edhe një mbështetëse e fuqishme e integrimit tonë europian, kontribuese e spikatur në vendimin e Këshillit Europian të datës 25 mars 2020 për çeljen e negociatave dhe asistencën në këtë proces.  Memorandumi i Mirëkuptimit për Integrimin Evropian, midis Ministrive të Punëve të Jashtme të dy vendeve tona, nënshkruar në tetor 2019, është një tregues i këtij kontributi.

Shqipëria i është mirënjohëse Estonisë edhe për mbështetjen e vazhdueshme ndaj Kosovës dhe aspiratave të saj auro-atlantike.

Shpreh bindjen se Kuvendi i Republikës së Shqipërisë dhe Riigikogu i Republikës së Estonisë do të vazhdojnë të kontribojnë në forcimin e marrëdhënieve e bashkëpunimit midis të dy vendeve e dy popujve tanë.”

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31