Rusi/ Kreu i Parlamentit: Navalny është horr dhe spiun i perëndimit

Kundërshtari i Kremlinit zyrtar Alexei Navalny nuk është kthyer ende në atdheun e tij, por dueli në distancë me Presidentin Vladimir Putin tashmë ka rifilluar.

Nga Gjermania ku ai u shtrua në spital për tu kuruar për shkak të efekteve të asaj që tre laboratorë evropianë e gjykuan të jenë helmim nga agjentët nervorë, Navalny veçse e akuzoi presidentin rus si urdhërues të vrasjes së tij por edhe ka bërë të ditur se nuk do t'i japë Putin ‘dhuratën’ e mos riatdhesimit.

Volodine: Navalny është spiun, punon për shërbimet perëndimore

Disa orë pas deklarimit të Navalny, presidenti i Duma-s, Viatcheslav Volodine akuzoi Navalny si spiun për shërbimet sekrete perëndimore, duke shtuar, pa specifikuar se si dhe kur, se Putini i kishte shpëtouar atij jetën.

"Navalny është i paturpshëm, ai është një horr - tha ai - Putini i shpëtoi jetën. Tani është e qartë se Navalny punon për shërbimet sekrete dhe autoritetet e vendeve perëndimore".

Marrëdhëniet midis Moskës dhe Berlinit po bëhen gjithashtu më të ftohta pas ndërhyrjes së ministrit të jashtëm gjerman Heiko Maas në OKB ku ai tha se tentativa për vrasjen e kryeopozitarit rus është "shkelje e ndalimit të përdorimit të armëve kimike të tilla si ajo e gjetur në helmimin e Navalny” Ai tha se “Ky është një problem për të gjithë bashkësinë ndërkombëtare".

Sidoqoftë, autoritetet ruse gjithmonë i kanë mohuar, duke bërë hipoteza nga më të ndryshmet mbi shkaqet e sëmundjes.

Lajmi kryesor:

Kryeopozitari rus Navalny akuzon: Putin më helmoi! Kreu i Duma-s: Ai është spiun i perëndimit

TAG:
• vladimir putin
• Alexei Navalny
• Helmimi i Navalny