Rusi, policia në zyrat e opozitës, arrestohet kryeopozitari Aleksei Navalny, kishte denoncuar rrëmbimin e një opozitari aleat

Rusi, policia në zyrat e opozitës, arrestohet kryeopozitari Aleksei Navalny, kishte denoncuar rrëmbimin e një opozitari aleat

Në Moskë, policia ruse ka arrestuar kryeopozitarin Aleksei Navalny.

Ndërsa arsyet ende nuk janë të qarta dhe nuk ka asnjë deklaratë zyrtare nga autoritetet, aleatët e Navalny kanë thënë se ai u mor me force nga zyra e tij.

Sipas avokatëve, Aleksei Navalny sot kishte programuar të shpallte në television programin e tij opozitar.

Dje Navalny raportoi "rrëmbimin" e një prej aleatëve të tij, Ruslan Shaveddinov i cili është dërguar në një bazë ushtarake në një ishull të izoluar të Arktikut, 2mijë kilometra nga kryeqyteti rus.   

Ruslan Shaveddinov, 23-vjeç, ishte një nga personazhet kyçe të fushatës anti-Putin të Alekej Navalny, i cili garoi pa sukses për zgjedhjet presidenciale.

Sipas Navalny, forcat e rendit i kanë hequr Ruslan Shaveddinovit edhe telefonin.

Kreu i opozitës ruse është arrestuar tre here brenda këtij viti dhe në një rast u dënua me 30 ditë burg.

Në muajin shtator në Moskë u zhvilluan protesta masive ku iu kërkua autoriteteve të ndalonin një fushatë sulmesh dhe arrestimesh që kishin në shënjestër Aleksei Navalnyn dhe rrjetin e tij të mbështetësve në të gjithë vendin.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Qeveria shpërblim 5 mijë lekë për pensionistët, si e vlerësoni?



×

Lajmi i fundit

Komisioni i OKB-së: Ndikimi i luftës është shkatërrues për fëmijët

Komisioni i OKB-së: Ndikimi i luftës është shkatërrues për fëmijët