Kupa e Botës Rusi 2018 dhuron sot emocionet e fundit me finale e madhe, ku Franca e Kroacia do të ndeshjen për trofeun më të rëndësishëm në botë. Franca një herë fituese e Kupës së Botës në 1998 dhe një herë të tjetër finaliste, në 2006, sfidohet nga Kroacia që e ka për herë të parë arritjen në finale, duke u bërë skuadra e 13-të në historinë e Botërore që arrin diçka të tillë.
Franca ishte një ndër emrat favoritë për këtë Botëror, që ka parë shumë prej pretendentëve të largohen shpejt dhe arritja në finale e “Gjelave” të drejtuar nga Deschamps nuk përbën asnjë surprizë. Përkundrazi, Kroacia është surpriza më e bukur e këtij Botërori. Ballkanasit me shumë vendosmëri dhe klas kanë arritur të bëjnë për vete admirues nga mbarë globi. Tani ata ndodhen aty ku nuk i kishte llogaritur askush dhe për 90 minuta, ose edhe për 120 siç kroatët tashmë e kanë bërë zakon, kanë shansin për të hyrë në legjendën e futbollit botëror, se në historinë e tij “banda” e Modriç, Mandzukic, Rakitic etj e drejtuar nga strategu Dalic, tashmë ka hyrë me meritë të plotë.
Kështu sot në orën 17.00 në stadiumin “Luzhniki” të Moskës, Botërori Rusi 2018 do të ulë siparin me finale Francë-Kroaci. Yjet në fushë do të jenë me tepri nga të dyja skuadrat dhe në një ndeshje të tillë gjithçka mund të ndodhë. Megjithatë, Franca në letër duket favorite. Statistikat, historia madje edhe kompanitë e basteve kanë besim se skuadra e Didier Decshamps do të triumfojë, por kjo duket se nuk i demoralizon aspak kroatët. “Të argëtohemi, ta shijojmë, të luajmë për të shfrytëzuar një moment të tillë”, përsërit shpesht trajneri i Kroatëve Zlatko Dalic duke vazhduar “Po fituam askush nuk mund të jetë më krenar se ne. Po humbëm do ta bëjmë me dinjitet dhe në fund do të kompimentojmë Francën”.
Një skuadër e tillë që nuk ka se çfarë të humbasë është makthi i çdo trajneri kundërshtar dhe Deschamps e di mjaft mirë këtë. Aq më tepër që kroatët: “Kanë lojtarë më ekspert se ne. Kroatët kanë lojtarë që kanë fituar trofe me rëndësi si Champions League”, thekson trajneri francez.
Pavarësisht gjithçkaje në fund do të jetë fusha që do të japë verdiktin e saj dhe emrat që do të zbresin në të paralajmërojnë një përballje që do të ofrojë gjithçka. Pogba kundër Luca Modric, ylli që po fillon të shkëlqejë përballë pretendentit krysor për “Topin e Artë”, Griezzmann e Mbappe në një krah, Perisic e Mandzukic në anë tjetër, të gjithë gati për t’u ngjitur në majë.
Didier Deschamp e Zlatko Dalic, një karrierë krejtesisht e ndryshme. i pari kampion bote si lojtar e me tej trajner i disa skuadrave me emër, i dyti me shumë vuajtje i ka ngjitur shkallët nga Dinamo në Shqipëri tek ekipe në Arabi e Dubai derisa një ditë Davor Suker Brenda 7 orëve vendosi që t’I dorëzojë atij kombëtaren. Një Francë multietnike përballë ballkanasve, që pas shumë rekordeve të vendosura duan të shkruajnë edhe të tjerë, nga ata që mund të thuhen vetëm pas disa brezash.
Sa i përket formacioneve dhe mënyrës së lojës pak a shumë të dyja skuadrat priten të luajnë me të njëjtën mënyrë si tani. Franca e Deschamps pritet të jetë me të njëjtin formacion si me Belgjikën, ndërsa Daliç mund të bëjë ndonjë ndryshim vetëm në rast se dikush nga “heronjtë” e gjysmëfinales nuk ia del dot fizikisht.
Lajme të tjera
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut
24 Nëntor, 07:55 -
Dronë misteriozë shihen mbi 3 baza amerikane në Britani
24 Nëntor, 07:41 -
Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm
24 Nëntor, 07:35 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
'Në rrugën drejt Shqipërisë 2030!' Turi me diasporën, Rama sot takim me shqiptarët e Londrës: Gati shqipe
24 Nëntor, 07:10 -
Yjet tregojnë se do të ketë perspektiva dhe mundësi të reja për avancim në karrierë, horoskopi për sot
24 Nëntor, 07:05 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Tjetër hap fals, Barcelona barazon 2-2 në Vigo! Celta i shënon dy gola në fund
23 Nëntor, 22:59 -
VIDEO/ Mirlind Daku shënon dy gola në Rusi, ia dedikon Martinit: Ai shndrit parajsën
23 Nëntor, 22:43 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35
