Rusia arrestoi dy aleatë të kundërshtarit të burgosur të Kremlinit, Alexei Navalny, tha të martën një aktivist i njohur i opozitës, duke shtuar se ata mund të përballen me akuza për ekstremizëm për të cilat parashikohen dënime të gjata me burg.
Muajt e fundit, autoritetet ruse kanë goditur grupet e lidhura me 45 vjeçarin Navalny, i cili njihet si kritiku më i ashpër i Presidentit Vladimir Putin. Ai po vuan dy vjet e gjysmë burg për shkelje të masës së lirimit me kusht në lidhje me një rast mashtrimi, që ai thotë se ishte i motivuar politikisht.
Në qershor, një gjykatë ruse mori një vendim sipas së cilit fondacioni kundër korrupsionit i Navalny ishte organizatë 'ekstremiste'.
Më pas, pasi aleatët e tij krijuan një rrjet të ri organizatash që u mobilizua për zgjedhjet parlamentare të Rusisë në shtator, autoritetet filluan të hetojnë punonjësit e fushatës me të njëjtat akuza për ekstremizëm.
Të martën, hetuesit shtetërorë arrestuan ish-kryetarët e komisioneve zgjedhore rajonale në qytetet siberiane Tomsk dhe Irkutsk për t'i marrë në pyetje, shkruante në rrjetin social Telegram Leonid Volkov, një aleat i Navalny që jeton në mërgim.
Ai tha se ishte përpjekur të bindte të dy aktivistët, Kseniya Fadeyeva dhe Zakhar Sarapulov, të largoheshin nga Rusia, siç kanë bërë ai dhe një numër disidentësh të tjerë, por ata refuzuan.
Komiteti Hetimor, organi shtetëror i ngarkuar me hetimin e krimeve dhe ngritjen e akuzave, nuk mund të kontaktohej menjëherë për të komentuar mbi këtë rast.
Navalny shkoi në Gjermani vitin e kaluar për trajtim mjekësor pasi u helmua në Siberi. Ekspertët perëndimorë arritën në përfundimin se bëhej fjalë për agjentin nervor Novichok.
Qeveria ruse ka mohuar se qëndron pas helmimit dhe ka hedhur poshtë përfundimet e ekspertëve - të cilat sollën si rezultat një valë të re sanksionesh kundër Rusisë – si edhe ka akuzuar Perëndimin për fushatë shpifëse kundër saj.
Komente
Lajme të tjera
-
Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!
26 Dhjetor, 21:13 -
Dyshime për sabotim pas dëmtimit të kabllos nënujore elektrike në Detin Baltik
26 Dhjetor, 21:06 -
Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim
26 Dhjetor, 15:20 -
Elbasan/ Aksidentoi për vdekje me makinë një këmbësor të moshuar, arrestohet 23 vjeçari
26 Dhjetor, 09:54 -
Spanjë/ Zbulohen pamjet, ja se si agjentët e Guardia Civil bastisën bazën e ‘skifterëve’ shqiptarë! 13 vjedhje, 5 të arrestuar, 22 mijë euro cash e bizhuteri (VIDEO)
25 Dhjetor, 16:34 -
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Protesta e PD-së, 7 të arrestuar, 21 protestues në hetim! Noka goditi efektivin, procedohet penalisht bashkë me 39 deputetë e zyrtarë të opozitës (EMRAT)
24 Dhjetor, 09:44 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Fier/ Mashtrim, përndjekje, vjedhje dhe aksident, 4 persona të arrestuar, një në kërkim dhe një tjetër nën hetim! (EMRAT)
20 Dhjetor, 13:45 -
Kukës/ Me drogë dhe armë të ftohta në makinë, arrestohen 2 të rinjtë!
20 Dhjetor, 11:02
