POP 5

Lajmet më të lexuara të 5 minutave të fundit

Bota

Rusia e akuzon për spiunazh, gazetari amerikan në gjyq! Gershkovich i “Wall Street Journal” rrezikon 20 vite burg

32-vjeçari u arrestua më 29 mars 2023 gjatë një përpjekjeje për të bërë reportazh, por u akuzua nga autoritete ruse se kishte si qëllim të siguronte të dhëna sensitive ushtarake

Rusia e akuzon për spiunazh, gazetari amerikan në gjyq! Gershkovich i “Wall Street Journal” rrezikon 20 vite burg

Gazetari i Wall Street Journal, Evan Gershkovich

Ka dalë para togave të zeza në Rusi, gazetari i Wall Street Journal, Evan Gershkovich, pasi akuzohet për spiunazh për llogari të Shteteve të Bashkuara.

Gjyqi ndaj gazetarit u zhvillua me dyer të mbyllura në një gjykatë në Jekaterinburg, në qytetin Ural. 

32-vjeçari u arrestua më 29 mars 2023 gjatë një përpjekjeje për të bërë reportazh, por u akuzua nga autoritete ruse se kishte si qëllim të siguronte të dhëna sensitive ushtarake. Gjykata ruse nuk lejoi praninë e medias, miqve apo pjesëtarëve të ambasadës amerikane në Moskë, gjatë seancës gjyqësore.

Wall Street Journal dhe qeveria amerikane kanë hedhur poshtë pretendimet e drejtësisë ruse se Evan kishte shkuar në qytetin Ural me mision spiunazhi.

Evan, i cili ka lindur në SHBA nga prindër nga ish-Bashkimi Sovjetik, rrezikon të dënohet me 20 vite burg.  Deri më tani, autoritetet ruse nuk kanë shpalosur për publikun asnjë provë që vërteton akuzat që rëndojnë mbi gazetarin amerikan.

Gershkovich është gazetari i parë amerikan që arrestohet për akuzat për spiunazh në Rusi prej Luftës së Ftohtë. Ai rrezikon të dënohet me burgim deri në 20 vjet, nëse shpallet fajtor.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Censi 2023, popullsia u tkurr me 419 mijë në 12 vite, cili është shkaku?

Lajme të tjera



×

Lajmi i fundit

Vlorë/ Flamurtari dhe Barcelona rikthejnë ndeshjet ikonë pas 37 vitesh, legjendat spanjolle fitojnë 5-1! Atmosferë e zjarrtë në stadium, ndeshja e radhës në Spanjë

Vlorë/ Flamurtari dhe Barcelona rikthejnë ndeshjet ikonë pas 37 vitesh, legjendat spanjolle fitojnë 5-1! Atmosferë e zjarrtë në stadium, ndeshja e radhës në Spanjë

29 Qershor, 21:51 nga Armand Xhelili