Teknologjia sot na rrethon në çdo vend dhe është bërë pjesë e rëndësishme e jetës sonë. Kështu, Bashkimi Europian ka propozuar një projektligj përsa i përket karikuesve të telefonave celularë.

Propozimi i BE konsinton për një karikues universal për të gjitha llojet e telefonave ku përfshihen dhe ata Smartphone(telefona të zgjuar).

Drafti i parë do të kalojë në Parlamentin Europian në mars dhe më pas do të pranohet nga shtetet anëtare të BE. Vendet anëtare do të kenë dy vjet kohë pas miratimit të projektligjit për ta vënë në zbatim.

Nga ky ligj që pritet të zbatohet në vitin 2017 preken edhe prodhuesit më të mëdhenj momentalisht të telefonave, siç janë 'Apple' dhe 'Samsung'.

Duke qenë se këta të fundit janë prodhime të SHBA dhe Koresë Jugore, do të duhet t'i përshtasin prodhimet e tyre në përputhje me teknologjinë europiane.


(v.gj/shqiptarja.com)