POP 5

Lajmet më të lexuara të 5 minutave të fundit

Ekonomi

S’importoi energjinë e nevojshme
ERE 430 mln lekë gjobë CEZ-it

Kompania CEZ Shpërndarje gjobitet me 430 milionë lekë nga Enti Rregullator i Energjisë (ERE) për mos prokurim të energjisë elektrike. Vendimi është marrë me dt. 11 shtator, por sot është zbardhur i plotë.
S’importoi energjinë e nevojshme<br />ERE 430 mln lekë gjobë CEZ-it
TIRANE - Kompania CEZ Shpërndarje gjobitet me 430 milionë lekë nga Enti Rregullator i Energjisë (ERE). Vendimi është marrë me dt. 11 shtator, por sot është zbardhur i plotë.

Sipas vendimit të Entit Rregullator ndëshkimi me gjobë ndaj CEZ është marrë në masën 1 % të të ardhurave vjetore të vitit paraardhës, që i korrespondojnë vlerës 430 milionë lekë për mos prokurimin e energjisë elektrike për mbulimin e të gjitha humbjeve në sistemin e shpërndarjes për vitin 2012.

ERE ka ngarkuar Drejtorinë Juridike dhe të Mbrojtjes së Konsumatorit të njoftojë CEZ Shpërndarje lidhur me Vendimin e Bordit të Komisionerëve.

Fakti që nuk është importuar sasia e duhur e energjisë ka vënë në vështirësi sistemin energjetik shqiptar, situatë që duket se rrezikon seriozisht furnizimin e popullatës me energji elektrike.

Nga ana tjetër kompania CEZ Shpërndarje ka bërë të ditur se rreth një muaj më parë është gjobitur nga Drejtoria e Tatimeve me një vlerë prej 4 miliardë lekësh, me pretendimin se nuk ka faturuar tatimin mbi vlerën e shtuar si dhe taksën mbi të ardhurat për energjinë.
CEZ deklaron se ka paguar 50 % te këtij detyrimi, gjë që ka vënë në vështirësi financiare kompaninë, pasi këto para do të përdoreshin për importin e energjisë.

Sipas CEZ, nëse nuk ka rishikim të gjobës së mbetur, atëherë gjendja financiare e kompanisë do të rëndohet, gjë që do të ndikojë dretpërdrejt tek investimet. Në këto kushte gjendja në të cilën ndodhet sistemi energjetik shqiptar paralajmëron për një krize energjie për muajt në vijim.

(jd/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Me lot në sy, babai i Martinit i bashkohet protestës para Ministrisë së Arsimit (VIDEO)

Me lot në sy, babai i Martinit i bashkohet protestës para Ministrisë së Arsimit (VIDEO)

25 Nëntor, 18:45