POP 5

Lajmet më të lexuara të 5 minutave të fundit

Ekonomi

Sa detyrime paguajnë
deputetët tanë nga rroga

Paga mujore bruto e një deputeti të Kuvendit të Republikës së Shqipërisë është 156,770 lekë.
TIRANE- Nëse do të zbriten të gjitha detyrimet, që duhen paguar sipas ligjit, paga mujore neto e një deputeti shkon në 119,639 lekë. Nëpërmjet rrjetit social “Facebook”, kryetari i Komisionit Parlamentar të Ekonomisë dhe Financave, Erjon Braçe, shpjegon se si llogariten rrogat e përfaqësuesve të qytetarëve shqiptarë.

Tatimi
Duke qenë se deputetet marrin një rrogë bruto mbi 130,000 lekë në muaj dhe duke marrë parasysh sistemin progresiv të taksimit, që u miratua nga Qeveria e majtë në fillim të vitit, tatimi mbi të ardhurat për deputetët është si më poshtë: shuma 13,000 plus 23% e diferencës ndërmjet pagës bruto dhe shumës 130,000 lekë. Si rrjedhojë, deputetët tatohen me shumën 19,157 lekë në muaj. E thënë ndryshe, “baballarët e kombit” tatohen 6,157 lekë më shumë, mbi të ardhurat e tyre, sesa në kohën e administratës “Berisha”, kur në fuqi ishte taksa e sheshtë 10%.
 
Sigurimet
Sigurimet shoqërore të deputetëve kapin vlerën e 9,038 lekëve në një muaj. Kjo llogaritet si 9.5% e pagës maksimale për efekt kontributesh të sigurimeve shoqërore, e cila, në bazë të legjislacionit aktual, është 95,130 lekë. Për më tepër, për efekt pensioni, deputetët paguajnë edhe një detyrim suplementar, i cili është 4% e pagës mujore bruto, pra që kap vlerën e 6,271 lekëve. Përsa u përket sigurimeve shëndetësore, deputetet paguajnë 1.7% të pagës së tyre mujore bruto, dhe kjo kap shifrën e 2,665 lekëve.

Shkrimi u publikua sot (28.03.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Frrok Çupi: Pse Sali Berisha u vjen rrotull burgjeve?

Frrok Çupi: Pse Sali Berisha u vjen rrotull burgjeve?

11 Janar, 15:42 nga Frrok Çupi