POP 5

Lajmet më të lexuara të 5 minutave të fundit

Sociale

Sa ta gradojmë kondicionerin, si të vishemi dhe kur të dalim?! Rregullat ‘magjikë’ kundër vapës

Temperaturat e larta të këtyre ditëve janë bërë thuajse të papërballueshme nga qytetarët, sidomos moshat e treta dhe fëmijët. Për të shmangur problemet shëndetësore nga vapa, mjekët këshillojnë reduktimin e lëvizjeve në orët e pikut dhe konsumimin e ujit.

Temperaturat e larta kanë përfshirë prej ditësh mbarë territorin e vendit.

“Vapë e madhe. Kam marrë ujë. Çadrën ndonjëherë”, tha një qytetare.

“Duke mbajt kokën mbuluar. Pi ujë të ftohtë. Ushqime sa më të lehta. Përdor perime, fruta”, tregoi një tjetër.

Mjekja e familjes në qendrën shëndetësore numër 5 në Tiranë, Oliana Mati bën thirrje për shmangien e orëve të pikut dhe hidratim, sidomos për moshat e treta dhe fëmijët.

“Të përdorim kremin e diellit, kapelat, syzet e diellit gjithashtu. Duhet të evitohet dalja nga ora 11:00 deri në orën 16:00. Moshat e treta dhe fëmijët mos të dalin në këto orare. Njerëzit të marrin ujë 2 litra në ditë, ose 8 gota në ditë. Hidratimi është kryesor. Të evitohen kafeina dhe alkooli. Edhe ushqimet pikante të evitohen. Fruta-perimet rekomandohen të hahen me shumicë”, tha mjekja e familjes, Oliana Mati.   

Por problem gjatë stinës së nxehtë edhe ftohja verore e cila vjen për shkak të përdorimit të kondicionerëve në mënyrë të gabuar.

“Ambientet e brendshme të jenë të freskëta. Ajri i kondicionuar të mbahet konstant. 25 deri në 27 gradë celsius në mënyrë që të evitohet pjesa e ftohjes së verës. Kemi pasur të tilla raste, kryesisht mosha mbi 35 vjeç”, përfundoi Mati.

Organizata Botërore Meteorologjike e OKB i cilësoi në një raport të fundit 12 muajt e fundit si më të ngrohtit që nga fillimi i regjistrimit të të dhënave në 1940.

G.M./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05