Sipas njoftimit zyrtar nga GKA, ekspozita “Retrospektivë” tregon një përzgjedhje të veprave të Sadik Kacelit duke marrë në shqyrtim një periudhë rreth 70- vjeçare krijimtarie, nga vizatimet e para të tij në fundin e viteve 1920, e deri në fund të viteve 1990. Ekspozita përmban vizatime, grafika, piktura të shtrira në gjithë teknikat dhe gjinitë tyre.
Është hera e parë që artisti Sadik Kaceli, të cilit i është dhënë titulli Piktor i Popullit në vitin 1994, paraqitet kaq i plotë në krijimtarinë e tij. Për shpjeguar përmbajtjen e ekspozitës, drejtori i GKA, Artan Shabani, njofton se “Më datë 15 Tetor 2014, ora 11.00, në Galerinë Kombëtare të Arteve do të zhvillohet me mediat një konferencë për shtyp gjatë së cilës stafi kuratorial i saj, do ta prezantojë këtë ekspozitë më gjerësisht.” Ekspozita do të qëndrojë e hapur deri me datë 16 Nëntor 2014.
Shkrimi u botua në Shqiptarja.com (print) në 11 Tetor 2014
Redaksia Online
(d.a/shqiptarja.com)