Skandali/ Safet Gjici u filmua duke kryer marrëdhënie seksuale në zyrë, Kukësi drejt zgjedhjeve të reja, brenda 2 javëve të para të gushtit

Në 2 javët e para të gushtit në bashkinë e Kukësit duhet të bëhen zgjedhje të pjesshme pas vakancës së krijuar nga shkarkimi i kryetarit Safet Gjici.

Gjici u shkarkua një ditë më parë (16 qershor) nga Këshilli i Ministrave për shkak të përfshirjes së tij në një skandal seksual në zyrën e bashkisë Kukës. Skandali u zbulua pasiu shpërnda me shpejtësi videoja erotike përmes whatsapp.

Sipas nenit 10 të Kodit Zgjedhor, në rast të ndërprerjes së mandatit, zgjedhjet e reja  mbahen jo më parë se 30 ditë dhe jo më vonë se 45 ditë nga data e njoftimit të ndërprerjes së mandatit. Njoftimi vakancës bëhet 15 ditë nga mbarimi I afatit për ankim në Gjykatën Kushetuese, pra data 31 korrik.

Sipas procedurës së parashikuar në Kodin Zgjedhor, kryeministria fillimisht do të njoftojë institucionin e presidencës për ndërprerjen e mandatit të kryetarit të bashkisë përkatëse.

Pas njoftimit zyrtar për vakancën e krijuar,  Presidenti i Republikës brenda 48 orëve do duhet të marrë vendimin për një datë të re zgjedhjesh të pjesshme.

Duke nisur që nga momenti i shkarkimit të Kryetarit të Bashkisë, kompetencat e këtij posti i kalojnë nënkryetarit, i cili i gëzon ato deri në procesin e garës së re zgjedhore. Pas dekretit të presidentit, Komisioni Qendror i zgjedhjeve nis përgatitjet për organizimin e zgjedhjeve, duke i krijuar kushtet subjekteve politike të paraqesin propozimet e tyre me kandidatët respektivë që do të bëhen pjesë  e garës.

KQZ ka detyrimin të caktojë datën për të realizuar procedurat e regjistrimit të kandidatëve, anëtareve të KZAZ-ve si dhe caktimin e fondit për mbarëvajtjen e proçesit zgjedhor.

Rendit zhvillimet sipas orarit:

Të Fundit Të Parat

SI.E./B.V/Shqiptarja.com

TAG:
• skandali i safet gjicit
• Safet Gjici
• Kukes