Salianji i 'numëron gabimet' Bashës: S’kam pasur asnjëherë kontakt me Berishën kur ai ka qenë kryetar partie

 

Deputeti Ervin Salianji i ftuar në emisionin “5Pyetjet nga Babaramo” në Report Tv ka numëruar ato që i quan gabime të kryetarit të PD Lulzim Basha. 

Salianji: Unë them se Basha është ndihmës shërbëtor i Ramës. Veprimet e tij politike çojnë në këtë drejtim. S’mund të hedh akuza kot. Ja po e quajmë gabim të parën që la reformën territoriale. Ja po e quajmë gabim se shiti çadrën. Po e quajmë gabim që në komisionet e vetingut tha mos merrni pjesë pastaj zgjodhi gjysmën e vetingut. Ja la mandatet me naivitet, la bashkitë me naivitet. Ja bëri listën me naivitet. Po gjetët një politikan që thotë unë ju kam gënjyer tani del e thotë të kundërtën më vonë dhe mbijeton në politikë...

Hitaj: Basha o ka qenë vegël e Berishës, se s’mund të ketë qenë tek të dy njëkohësisht.

Salianji: Po je vegël njëherë, je 100 herë. Vegla vegël mbetet. Njëherë thotë i kam marrë unë vendimet, pastaj thotë Berisha, ia kam hequr vizën që këtu si personalitet politik

Unë kam qenë kundër djegies së mandateve. I kam thënë se marrëdhëniet me SHBA duhet të ishin të kujdesshme. Unë s’kam pasur asnjëherë kontakt me Berishën kur Basha ka qenë kryetar partie. Kam pasur kontakt normal, kam njohur autoritetin e Bashës, bëj atë përgjegjës. Jam investuar te ai. Nëse ai për vite me radhë ka bërë lojën e Sali Berishës e kam mbyllur historinë me të.

Lajmi kryesor:

Kaosi brenda e jashtë parlamentit, Salianji: Ka rënë kolona e demokracisë! Basha e Berisha s'na sjellin fitore! Inkurajojmë SPAK-un të bëjë punën

B.K/KT/Shqiptarja.com

TAG:
• lulzim basha
• sali berisha
• Rithemelimi kaos ne kuvend
• ervin salianji