Salianji te '5 pyetjet nga Babaramo': Vaksinimi nisi shpejtë kundër skandalit 'Nusret', dozat erdhën kontrabandë

Salianji tha se vaksinat nuk u morën vesh nga erdhën, duke thënë se erdhën kontrabandë dhe se fushata e vaksinimit nisi sot për nesër në një kohë që në të gjithë vendet e botës është lajmëruar një javë para se kur nis vaksinimi dhe sa doza janë.

Salianji shtoi se ky nxitim me nisjen e vaksinimit u bë për të hequr vëmendjen dhe reagimin mjaft të ashpër të shqiptarëve pas darkës së gjysmës së qeverisë në Dubai.

"Sapo del Nusreti dhe ka një reagim të rreptë nga qytetarët, Edi Rama del me vaksinën. E para kjo nuk del sot për nesër, duke thënë sot se nesër bëjmë vaksinimin. Cilido shtet ka dalë një javë para kur nis e sa doza janë, këto ishin  vaksina kontrabandë. E pyet ku i ke marrë nuk i thotë, ca po luajmë këtu. Pastaj nuk bën të qartë se sa do të vazhdojë vaksina me popullatën që për atë duhet të niste. Se u vaksinuar Rama e shpëtoi dhe ne të gëzojmë, kjo nuk ka vend. Pse nuk e sulmon Serbia BE? Ajo e ka filluar që kur vaksinimin. Ne nuk po krahasohemi dot me vendet ngjitur. Maqedonia po ashtu e ka siguruar më para. Për ca të gëzojnë shqiptarët sot se e mori vaksinën Edi Rama", tha Salianji.

LEXO EDHE:
PS kthehet në mbledhjen e ‘TIMS’, palët arrijnë dakordësinë! Miratohen kërkesat për informacion

Ish deputeti i PD-së tha se qeveria nuk ka një plan të qartë apo një strategji për vaksinimi, në një kohë që në të gjithë botën ka nisur me azilet e të moshuarve dhe grupet e riskuara e bluzat e bardha.

"Vaksinimi ka në themel jetën e mbrojtjes së qytetarëve dhe për këtë duhet dal me plan serioz dhe me përgjegjësi për të mbrojtur në radhë të parë qytetarët dhe pastaj për të ardhur me pjesën tjetër, me mjeket me të drejtë dhe pastaj me policët  e më pas të moshuarit", tha Salianji.

/r.k./Shqiptarja.com

TAG:
• ervin salianji
• Koronavirus
• koronavirus ne shqiperi
• Vaksina Covid
• Shqipëria buzëqesh