Ekipi kombëtar i futbollit po vijon përgatitjet në qytetin e Durrësit, por nuk e ka nisur me këmbë rë mbarë, pasi gjatë seancës stërvitore të ditës së sotme është dëmtuar kapiteni kuqezi Lorik Cana.

Mbrojtësi në minutat e fundit të seancës stërvitore është rrëzuar duke pësuar një dëmtim në kavije, stafi mjekësor i është gjendur menjëherë pranë.

Tashmë pritet deklarata e stafit mjekësorë mbi gjendjen e futbollistit, por nga pamja e parë gjendja nuk duket shumë serioze, pasi ka dalë me këmbët e veta nga fusha.

Ndërkohë që seance stërvitore e ekipit tonë do të vazhdojë edhe nesër dhe pasnesër përpara se të niset për në Oslo. Pas seancës së sotme ka dalë në konferencë Salihi dhe Lila duke vlerësuar kundërshtarin dhe shprehur besimin se në Norvegji do të shkojnë për fitore.