Presidenti i Grupit BALFIN, Samir Mane, zhvilloi një takim me studentë dhe pedagogë të Universitetit Europian të Tiranës, për të ndarë shembullin personal të ngritjes së një biznesi të suksesshëm. Auditori qendror i universitetit, me dhjetëra studentët pjesëmarrës, u kthye në skenën e një bashkëbisedimi frymëzues për mundësitë që u jepen të rinjve në kohë të ndryshme dhe gatishmërinë e tyre për të provuar.
Interesimi i studentëve ishte i natyrshëm për fillesat e biznesit dhe mundësitë që mund të kenë vetë ata në ditët e sotme. “Gjithë sipërmarrja e sotme, që numëron rreth 5000 punonjës në nëntë vende, zë fill në Vjenë në vitin 1993. Kushtet e nevojshme për të nisur një biznes u paraqitën në moshën e duhur dhe unë nuk hezitova.” zbuloi Samir Mane për të pranishmit duke i nxitur të vënë në jetë sipërmarrjet që mund të kenë planifikuar. “Filloi me pajisjet elektronike dhe sot kemi rrjetin më të madh të produkteve elektronike, i cili vepron me pakicë dhe shumicë në të gjithë rajonin dhe vende të Bashkimit Europian.”
Prof. Dr. Selami Xhepa, President i Universitetit Europian të Tiranës, gjatë takimit e cilësoi Samir Manen si një nga personalitetet që kanë shkruar historinë e kapitalizmit në Shqipëri. “Vendi ynë po krijon historikun e një sistemi të ri ekonomik dhe, ndër themeluesit e industrive të rëndësishme për vendin, është Grupi BALFIN. Gjithçka që krijohet falë talentit dhe kurajos së sipërmarrësit kthehet në pasuri kombëtare dhe meriton vlerësim nga anëtarët e shoqërisë” përfundoi ai.
“Sektori i shitjes me pakicë zë vend të padiskutueshëm financiar në Grupin BALFIN, por edhe emocional në personin tim.” ishte një tjetër deklaratë e Samir Manes. Pikërisht në fillimet e rrjetit të supermarketeve apo qendrave tregtare, ai u ka besuar të rinjve entuziastë por pa përvojën e nevojshme dhe tani ata janë në krye të disa prej bizneseve më të mëdha na rajon. Sipas tij, Grupi BALFIN ka ekspertizën dhe kapacitetin e nevojshëm për të konkurruar në çdo treg europian e më gjerë përsa i përket shitjes me pakicë dhe modeleve të tjera të biznesit të njohura për të. Fuqizimi i Grupit BALFIN u konfirmua edhe nga marrëveshja e arritur vetëm pak ditë më parë me International Finance.
Corporation, për zgjerimin e aktivitetit të TEG. I pyetur nga studentët se çfarë e motivon më shumë, ai u përgjigj se “Ndërtimi i bizneseve të dobishme për sa më shumë njerëz është motivacioni më i fortë.”
Vizitat në universitete dhe takimet me studentët janë bërë tashmë traditë për Samir Manen, para të cilëve tregon përvojën e rritjes graduale të biznesit dhe ç ’është më e rëndësishme, mundësitë që Grupi BALFIN krijon për ta nëpërmjet praktikave profesionale, mbështetjes së ideve të tyre për biznes dhe punësimit në profilet përkatëse.
Lajme të tjera
-
Në shtator nis pilotimi i sistemit 'dual', Rama: Bizneset do të paguajnë për trajnimin e nxënësve! Jo t’i trajtojnë si shërbëtorë! Arsimi profesional sipas modelit gjerman e zviceran
19 Korrik, 14:35 -
TBU inauguron godinën e re, Samir Mane: Një rifillim drejt sfidave të reja!
11 Qershor, 12:31 -
Nis Java Ndërkombëtare e Sipërmarrjes, Ibrahimaj: Synojmë zhvillimin ekonomik dhe përmirësimin e klimës së biznesit
13 Nëntor 2023, 13:11 -
Samir Mane, uron përvjetorin e hapjes së TEG
11 Nëntor 2023, 14:21 -
Historia e sipërmarrësit italian, mblodhi 25 mijë firma dhe shpëtoi 'delen më të vetmuar në botë'
7 Nëntor 2023, 10:17 -
Drejtuesja e BALFIN me studentët e TBU: Studimi cilësor dhe aftësia juaj, ato që ju duhen për të punuar te ne!
2 Nëntor 2023, 16:55 -
Samir Mane studentëve të TBU: Jemi këtu për të bërë Universitetin më të mirë në Shqipëri
18 Tetor 2023, 15:50 -
Mundësi punësimi për të rinjtë, dy sipërmarrës nga Italia prezantojnë projektin ambicioz për Shqipërinë
29 Shtator 2023, 14:00 -
Gjermania miraton uljen e taksave të sipërmarrjeve
30 Gusht 2023, 16:53 -
BALFIN në shtator edhe në SHBA, Samir Mane zbulon se me çfarë do të merret kompania
23 Qershor 2023, 13:22 -
Grupi BALFIN feston 30 vite progres, tashmë në 10 shtete dhe 2 kontinente
16 Qershor 2023, 14:32 -
2.5 milionë € shtesë, BALFIN Group rrit rrogat për të gjithë punonjësit! Përfitojnë rreth 5,000 prej tyre
11 Tetor 2022, 18:40
