Samiti i BE, Ministri i Brendshëm: Protesta e Berishës vetëm jashtë perimetrit të sigurisë 

 

Ministri i Brendshëm, Bledi Çuçi, ka zhvilluar sot një takim me kreun e Policisë së Shtetit, Muhamet Rrumbullaku lidhur me masat e sigurisë për mbarëvajtjen e Samitit BE-Ballkani Perëndimor që do të zhvillohet në Tiranë më 6 dhjetor. Në një komunkim me mediat, Çuçi tha se kjo është ngjarja diplomatike më e madhe që ndodh në Tiranë. 

“Ju garantoj që cdo gjë do të shkojë më së miri. Jemi plotësisht të përgatitur tamam si një vend europian”, deklaroi Çuçi. 

LEXO EDHE:
Mblidhet Grupi i PS, Çuçi: Ndryshimet në Kodin Zgjedhor ende në fazë diskutimi në nivel politik! Seanca plenare dy ditë për shkak të rendit të ngjeshur

Lidhur me protestën e paralajmëruar nga grupime politike të opozitës, Ministri i Brendshëm tha se ajo do të lejohet jashtë perimetrit të sigurisë ku do të zhvillohet samiti. 

“Ne asnjëherë s’kemi qenë kundër protestave, gjithmonë e kemi garantuar të drejtën kushtetuese për të protestuar. Kësaj radhe thjesht ka një zonë të kuqe ku do të zhvillohet samiti dhe s’mund të protestohet. Jashtë kësaj zone ne do të marrim gjithë masat që edhe protesta të zhvillohet”, deklaroi Ministri i Brendshëm.

Lajmi kryesor:

Samiti i BE në Tiranë, Drejtori i Policisë: Plan të detajuar masash! Nuk refuzojmë protestat por siguria është prioritare mbi preferencat gjeografike (Të Berishës)

M.Q./r.k./Shqiptarja.com

TAG:
• Samiti i BE ne Tirane
• policia e shtetit
• Muhamet Rrumbullaku
• 6 dhjetori i Berishes
• Bledi Cuci