Sali Berisha nuk tërhiqet nga vendimi për ta zhvilluar protestën para kryeministrisë, pavarësisht refuzimit të autoriteteve.
Ish kryeministri Sali Berisha u është përgjigjur me porosinë ndaj demokratëve policisë dhe Bashkisë së Tiranës për blindimin e Tiranës për samitin e BE-së.
Duke marrë shkasë nga bllokimi i rrugëve dhe masave të rrepta për samitin e liderëve evropianë, Berisha ka “orkestruar” me banorët e njësisë numër 5 sesi duhet të veprojnë protestuesit. Ish kryeministri u shpreh se nëse bllokohen rrugët me datë 6, të gjithë protestuesit që do të vijnë nga qytetet e tjera të Shqipërisë, të vijnë më datën 5 dhjetor dhe të strehohen në Tiranë.
“Më 6 dhjetor mblidhen në Tiranë të gjithë liderët e BE dhe të Ballkanit Perëndimor në një samit të përbashkët ky është një nder i papërsëritshëm për Shqipërinë. Është përzgjedhje të një rëndësie historike të cilin Evropa i thotë. Vladimir Putinit dhe të tjerëve, që Shqipëria është territor ynë dhe harroni se mund të keni ambicie të tjera. Ky samit, në rrafshin strategjik, është në interes të shqiptarëve dhe i jep goditje projektit të Vuçiç, Ramës dhe vasalit të tij në Shkup, për Ballkanin e Hapur.
Unë ftoj më datë 6 ftoj liderët ta marrin këtë prani si përshëndetje dhe mikpritje ndaj tyre dhe vlerave të tyre. Jemi në shesh për të protestuar kundër armikut të përbetuar kundër vlerave evropiane, Ramës dhe regjimit të tij. S’do fshehim asgjë, ne dalim më datë 6 për ti thënë Evropës se ky s’përfaqëson asnjë opozitë por as popullin. Është armik i shqiptarëve, identitetit, kulturës, i fondeve të tyre. Ai që e quan vetëm shqiptar duhet të jetë në protestën më të fuqishme kundër Ramës dhe klikës së tij, e keni për detyrë. Ju ftoj në një protestë të paparë ndonjëherë në historinë e Tiranës.”-tha Berisha.
Ky refuzim i bashkisë vjen pasi policia e njoftoi dy ditë më parë PD-në se Sali Berisha mund të zhvillojë protestën më 6 dhjetor, ditën kur në Tiranë organizohet samiti Bashkimi Evropian-Ballkani Perëndimor, por jo në Bulevardin ‘Dëshmorët e Kombit’ para Kryeministrisë ashtu siç ka kërkuar. Kjo pasi kërcënohet siguria kombëtare dhe ajo publike. Kjo solli edhe reagimin e Berishës, i cili tha se asgjë nuk do t'i ndalë, por do ta mbushin sheshin plot si kurrë më parë.
Sipas dokumentit të siguruar nga Shqiptarja.com policia i bën me dije të gjitha rrugët të cilat janë caktuar si perimetri i sigurisë dhe brenda këtij perimetri nuk lejohet organizimi i protestës, por që mund të zhvillohet në një vend tjetër. Ndërkohë që Shqiptarja.com ka mësuar gjithashtu se Godina e Kryeministrisë është edhe ajo pjesë e Perimetrit të Sigurisë edhe për shkak të një ‘Plani B’ për organizimin e një Samiti kaq të rëndësishëm, në rast se do të dështonte për arsye të ndryshme plani i parë, ai në Hotel Marriot.
I pyetur nëse do i bashkohen demokratët e Grupit të Alibeaj, Berisha sërish pavarësisht se shumica e deputetëve të PD ka qenë kundër, u ka shtrirë dorën për protestën.
“Njerëzit e lirë asgjë s’mund t’i bashkojë më shumë se liria. Forca kryesore e njeriut, buron nga liria. Ne për tu bashkuar zgjodhëm votën e lirë. Kudo ku shkova, ju dhe kudo më kërkuat t’i zgjedhim vetë me votën e lirë.
Është i mirëpritur çdo demokrat në mënyrë absolute që pranon këtë proces.”- tha Berisha.
I pranishëm në takimin e Sali Berishës me banorë të njësisë 5 në Tiranë, aktori Mehdi Malkaj kërkoi reagim qytetar për gjendjen ku ndodhet vendi.
Duke cituar Kantin, ai tha se askush nuk mund të ankohet kur shkelet me këmbë përsa kohë zvarritet tokës si krimb.
"Përshëndes të gjithë miqtë e mi të Aleancës për Teatrin që kemi 5 vite protestë.
I dashur doktor, Shqipëria në rrezik, e ç’më duhet mua! Do të vazhdojmë të jemi këtu. Emanuel Kanti ka thënë; Kur ke gjithë jetën që zvarritesh si krimb, pse bërtet kur të shkelin me këmbë.
Atëherë ne duhet të jemi në këmbë. Nuk ka rrugë tjetër doktor, të jemi në këmbë të fitojmë atë që na ka humbur, dëshira, personaliteti, na ka humbur emri, na ka humbur atdheu, na iku deti se zë në gojë njeri. 12 milje i zë kush në gojë gjëkundi. Jo, e të tjera e të tjera.", tha ai.
Ish kryeministri Sali Berisha ka dhënë porositë e protestës më datë 6 dhjetor. Duke marrë shkasë nga blindimi dhe masave të rrepta në Tiranë, Berisha udhëzoi protestuesit që të hapin dyert demokratëve në Tiranë më datë 5 dhjetor në mënyrë që të nesërmen të protestojnë.
“Meqë ky është i tmerruar (Rama), mund të bëjë dhe bllokime rrugësh dhe mijëra demokratë mund të kenë vështirësi për të kaluar rrugën. Prandaj të hapim dyert e shtëpive më datë 5 dhjetor të gjithë miqve tanë për t’i strehuar për protestën. “
Komente
Lajme të tjera
-
Ylli Pata: Arsyet pse SHBA i rikujtoi Sali Berishës sanksionet
18 Dhjetor, 18:58
-
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
'Të gjithë le ta marrin një diplomë', Berisha kërkon t'i kthejë Universitetet 'han pa porta'
18 Dhjetor, 11:06 -
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51 -
Sali Berisha: Do heqim mesataren për pranimin në universitete! Studentët do marrin 200 euro çdo muaj
17 Dhjetor, 22:51 -
SHBA edhe një herë 'Jo' Berishës/ Valteri: I vdekur, i pakallur! Tafani: Mesazhi i qartë, 'Mos shkoni tek PD-ja'! Kulluri: Amerikanët kanë problem këtu korrupsionin dhe krimin
17 Dhjetor, 21:41 -
'Nuk ka më protesta klasike', Korreshi në Frontline: Berisha po vijon betejën për non-gratën! Nuk ka marrëveshje me PS-në
17 Dhjetor, 20:12 -
Spahiu: Mesazhi i SHBA shuplakë për socialistët, sepse janë të tronditur nga bashkëpunimi tyre me Berishën
17 Dhjetor, 20:04 -
Ironia e Spahiut: Trump do i heq dekoratën Dumanit dhe Dvoranit, për t’ja dhënë të dyja Berishës
17 Dhjetor, 19:43 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26
O aktor i mbaruar po çfar të presësh nga ty o i uruar ti pret që Sali BAJGA të regulloi e ty të qetësoi o aktor karalloi. Po kto 30 vjet ti se ke par se çka bër Salheu o aktor i mbaruar. E nuk ke sy në ball o aktori pall. I ke haruar ? ? ? Voting 97, piramidat, 21 Janarin Apo saugen o aktor ordiner. Po Xen sy peshkaqenin që shëtit Botën pa punuar 1 dit Apo kto nuk i shikon o aktori hajvon. Mjer Shqipria me aktor si ty o debili ler komplet pler.
PërgjigjuBerishe kujton se do te dalesh me i zgjuar se shteti?Rruget vertet zyrtarisht jane te bllokuara ne daten 6,por ne fakt te gjithe e dine qe kontrolli fillon nje-dy dite me pare.Keshtu veprohet kudo ne bote kur jane te pranishem kokat e politikes .Si ka mundesi qe ke harruar kaq shpejt kur bllokohej bulevardi kur beheshin parakalimet ne kohen e Xhaxhit tend te dashur?!Nuk ka asnje shans qe turmat e tua te zene sheshin qe ne daten 5 duke u gdhire 6.
PërgjigjuOh ckam qesh. Penicillina qe manifeston me rubla ruse do i tregojne Putinit se e kujt eshte Shqiperia...Dhe IM spiuni qe kercenoi Ameriken se dhe rusi ka arsenal ushtarak do do manifestoje per Europen... Sikur Europa nuk i njeh kush jane e kujt i sherbejne. Pa le pastaj ata qe u shkojne nga mbrapa turpit te kombit...
PërgjigjuNese salihu do te arrij te realizoj protesten e 6 dhjetorit sebashku me liken,ne fakt populli do ndjej grahmën e rende qe do çlirohet nga deķmpozimi ì kufomës së salihut,likes dhe asaj të rilindjes vjollce.
Përgjigju