Kryeministri, Edi Rama ndodhet sot në Bratislavë të Sllovakisë ku po merr pjesë në panelin e diskutimit në kuadër të samitit "GLOBSEC 2023". Gjatë fjalës së tij, ai foli për fondet që rajoni i Ballkanit Perëndimor merr nga Bashkimi Europian të cilat sipas tij janë 11 herë më të vogla sesa ato që jepen nga BE për vendet e Evropës Juglindore.
“Më lini ta nis me atë çfarë ndodhi në Europë dhe BE në përgjigjie të krizës së madhe që goditi Europën por që na goditi edhe ne. Kjo shpjegon atë hendek të jashtëzakonshëm midis shteteve anëtare të BE dhe mes nesh, vendeve të Ballkanit Perëndimor Mes 2020 dhe 2021 mes disa paketave shumë të mëdha, BE dha 47.5 miliardë euro për shtetet anëtare. Ndërkohë që për ne u dha 1 miliardë për të 6 vendet e Ballkanit Perëndimor, mes të cilave 500 milionë në grante. Këto ishin rishpërndarje e fondeve të IPA-s. Pra ajo që duhet të merrnim nga IPA për projekte të caktuara u rikonjektuan. Nuk po them se nuk ishte diçka e mirë por them që ishte një rishpërndarje. Pika e dytë që dua të përmend se dhënia e granteve nga BE për vendet e Europës juglindore do jetë 11 herë më e madhe se ajo që u dha për Ballkanin Perëndimor. Nga fondet e IPA-s marrim 90% ndihmë teknike dhe 10% investime”- tha Rama.
Ai tha se procesi i negociatave për anëtarësimin në BE të vendeve të Ballkanit Perëndimor, konkretisht i Shqipërisë, do të zgjasë dhe për këtë arsye duhet të jetë sistematik. Por shtoi se në mënyrë që Ballkani Perëndimor të mos kthehet prapa, BE duhet të bëjë më shumë për rajonin dhe të ndryshojë qasjen në mënyrë thelbësore.
“Procesi i negociatave të anëtarësimit do kërkojë kohë dhe jam i bindur se nuk duhet nxituar. Duhet të jetë një proces i rregullt dhe i konsoliduar por na duhet të marrim diçka më shumë dhe diçka duhet të ndryshojë në mënyrë thelbësore mes BE dhe Ballkanit Perëndimor nëse nuk duan të shohin që ky rajon të kthehet mbrapsht sërish”-shtoi kryeministri.
Kreu i ekzekutivit kritikoi vonesat e BE-së në procesin e integrimit të vendeve të Ballkanit Perëndimor në union dhe shtoi se duhet të hapur një shteg i ri për bashkëpunim sa i takon fondeve të dhëna për rajonin. Sipas Ramës nëse diçka e tillë nuk ndodh, atëherë edhe stabiliteti i rajonit të Ballkanit është në dyshim.
Kryeministri Edi Rama ka ndarë disa foto nga samiti në Sllovaki. Në foto, Rama është me presidentin francez Emmanuel Macron, ndërsa shkruan se kanë diskutuar për marrëdhëniet bilaterale Francë-Shqipëri, po u fol edhe për sfidat e rajonit në sfondin e luftës në Ukrainë.
“Me Presidentin e Republikës së Francës, Emmanuel Macron, në një takim shumë miqësor, ku u prekën me thellësi temat e rajonit tonë në sfondin e konfliktit në Ukrainë, marrëdhënia e Ballkanit Perëndimor me BE-në dhe nevoja për një qasje të re politiko-ekonomike, si edhe marrëdhëniet bilaterale Francë-Shqipëri”, shkruan Rama.
Kryeministri Edi Rama “kritikoi” vonesat e anëtarësimit në Bashkimin Europian të vendeve të Ballkanit Perëndimor ndërsa mbante fjalën e tij në panelin e diskutimit mbi Ballkanin, “Open Roads: Balkans Back in Business”.
Krah homologut të tij nga Maqedonia e Veriut, Rama bëri një batutë duke thënë se në fillim të procesit, në një takim në Selanik të dy ishin me flokë, ndërsa tani janë qerosë.
“Në Selanik Dimitari i kishte të gjithë flokët, aty u tha që do të ishim në Bashkimin Evropian përpara se mua të më binin flokët dhe ja ku jemi. Dy burra qerosë sepse ne besuam në këto gjëra. Çfarë kemi nevojë është të jemi realistë, të vërtetë, të drejtpërdrejtë dhe kur e them këtë mendoj sa të drejtpërdrejtë mund të jenë holandezët kur kanë zgjedhje e kur duan të presësh sa të përfundojnë zgjedhjet e tyre. Ja që kështu është, na duhet të përballemi me realitetin ndërkohë që komuniteti politik evropian është i jashtëzakonshëm,” – u shpreh Rama.
Kryeministri, Edi Rama i pyetur nëse vendet e Ballkanit kanë bërë mjaftueshëm për të qenë anëtarë të BE, tha se këto vende nuk po vrapojnë për të qenë pjesë e bashkimit, por duhet ta kenë të qartë sesi do të funksionojë në vazhdim.
Ai shtoi se Bashkimi Europian duhet të hapë një shteg të ri bashkëpunimi sa i takon fondeve për Ballkanin Perëndimor në mënyrë që të garantojë stabilitet.
“Më mirë të na thonë, po jeni shumë mirë por në këtë moment nuk mund të nisim bisedimet me ju. Ne nuk po vrapojmë të jemi vend anëtar i BE. Unë jam pjesë e shkollës së mendimit, që mendon se kur nuk funksionon me 27 si do mendojë edhe me këto 6 vende të Ballkanit Perëndimor. Jam dakord me këtë, le të hapim një bashkëbisedim të qartë për të thënë se kjo nuk mund të funksionojë dhe se duhet të gjejmë diçka të re. Ju duhet të merrni më shumë nga ne dhe ne duhet të hyjmë në një marrëdhënie të re. BE duhet të hapë një shteg të ri bashkëpunimi sa i përket fondeve. Në të kundërt s’do ketë të ardhme sa i takon stabilitetit të Ballkanit Perëndimor. Nëse Ballkani Perëndimor kollitet, kjo për BE është pneumoni”-tha Rama.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
25 vjet Putin, nga miku në armik
25 Dhjetor, 12:41 -
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59
Me te huajt kemi marredhenie te mira
PërgjigjuSa mire qe ruhen marredhenie te mira
PërgjigjuFale mbeshtetjes se Europes ne kaluam krizat qe preken te gjithe rajonin
PërgjigjuPas ketij takimi na presin vetem pune te mira
PërgjigjuKe 11 vjet ne pushtet dhe ne vendnumero per integrimin o mashtrues.
PërgjigjuE di qe KCK e tij Po lulezon e eshte ne stadin me kulminant qe ka egzistuar deri tani dhe e ka ndar mendjen ham sa te ham . Evropa ja ka hequr vizen ketij .
Krahaso seriozitetin e Kurtit gjate intervistes se tij me karagjozlleqet e ketij tonit qe zihet me spikerin per minutazhin. Trego dinjitet mor i shkrete se perfaqeson shtetin. Nuk je mbledhur me shoket per te pare ndeshje futbolli.
PërgjigjuTi o Rame Ali Baba jo per Europe por as per Zimbabve nuk je , ti do vetem te grabisesh se e di mire qe ne Europe jepet llogari per cdo cent !! Mizantrop i urryer hajdut pa limite !!
PërgjigjuGjithcka duhet te marri nje drejtimin i duhur investimesh dhe mbeshtetje kundrejt vendeve te vogla ne ballkan duke i ndimuar ata per nje te ardhme me te mire europiane stabiliteti eshte shume i rendesishem ne rajonin ton!
PërgjigjuStabiliteti ne vendin ton eshte shume i rendesishme prandaj bashkimi europian duhet te marri me shume masa bravo kryeministeri Rama per kete fjalim
Përgjigjushume te drejte ka dhe bravo qe gjithmone flet ashtu sic duhet ne te tilla takime
Përgjigjue vertet duhet te kemi me shume fonde
PërgjigjuT degjosh batutat e këti tradhtari është Çmenduri
PërgjigjuBe ben disa diferencime te cilat nuk jan fare te drejta e demokratike
Përgjigju