Grupet negociatore, pjesmarrën në samitin e OKB-së për klimën, diskutuan të shtunën rreth propozimeve e reja që do të çojnë në nënshkrimin e një marrëveshjeje, që mund të thuhet me siguri, se do të avancojë përpjekjet në mbarë botën për të trajtuar çështjen e ngrohjes globale.
Pas përpjekjesh diplomatike mes palëve edhe pas afatit zyrtar që përfundoi të premten në mbrëmje, zyrtarët britanikë që kryesuan bisedimet në Glasgou të Skocisë, publikuan një projektmarrëveshje.
I dërguari i SHBA-së për klimën, John Kerry dhe homologu i tij kinez, Xie Zhenhua, treguan një optimizëm të kujdesshëm të premten në mbrëmje lidhur me negociatat në vazhdim.
Në një propozim të paraqitur më parë përfshihet një gjuhë e diskutueshme në marrëveshje, duke u bërë thirrje vendeve, që të përshpejtojnë heqjen nga përdorimi të qymyrit, nëse ai nuk shoqërohet me teknologji që neutralizon gazet e dëmshme. Po kështu në projektpropozim bëhej thirrje për ndaljen e subvencioneve joefikase për lëndët djegëse fosile.
Por në një shtesë të re që iu bë teksit të marrëveshjes, thuhet se vendet do të njohin "nevojën për mbështetje drejt një tranzicioni të drejtë", një referencë ndaj thirrjeve të përfaqësuesve të industrisë së karburanteve fosile, për mbështetje financiare, në kushtet kur do t’u duhet të mbyllin vende pune e biznese.
Alok Sharma, zyrtari britanik që kryesonte bisedimet, tha se shpresonte se vendet do të arrinin një marrëveshje ambicioze në Glasgou.
Disa përfaqësues organizatash thanë se propozimet aktuale nuk ishin mjaftueshëm të forta.
"Këtu në Glasgou, vendet më të varfra të botës rrezikojnë të largohen nga vëmendja, por orët e ardhshme mund dhe duhet të ndryshojnë kursin në të cilin ndodhemi", tha këshilltarja e lartë e politikave në organizatën Oxfam, Tracy Carty. "Ajo çka është aktualisht në tavolinë nuk është mjaft e mirë", shtoi ajo.
Por mundësia e përmendjes së lëndëve djegëse fosile në mënyrë qartë, dhe për herë të parë në një vendim që do të dalë nga Konferenca vjetore e OKB-së mbi klimën, është pritur mirë nga disa ambientalistë.
“Është e dobët dhe e komprometuar, por ne e shohim atë si një urë, një përparim disi”, tha Drejtoresha Ekzekutive e Greenpeace, Jennifer Morgan.
Në samit pati debate në çështjen e mbështetjes financiare të kërkuar nga vendet e varfra, kryesisht për ndikimet katastrofike të ndryshimeve klimatike që ato do të pësojnë gjithnjë e më shumë në të ardhmen. Shtetet e Bashkuara dhe Bashkimi Evropian, dy nga emetuesit më të mëdhenj të dioksidit të karbonit në botë, vazhdojnë të kenë rezerva të thella mbi këtë çështje./ VOA
Lajme të tjera
-
Rama niset sot për vizitë dy ditore në Baku të Azerbajxhanit! Do të marrë pjesë në Samitin Botëror të klimës Cop 29
11 Nëntor, 09:17 -
Samiti i klimës, miratohet marrëveshja historike për lëndët djegëse fosile
13 Dhjetor 2023, 09:20 -
Samiti i klimës COP28, mblidhen 777 milionë dollarë për të luftuar sëmundjet tropikale
3 Dhjetor 2023, 19:27 -
FOTOT/ Rama në Emiratet e Bashkuara Arabe, merr pjesë në Samitin Botëror të Klimës COP28! Ndan foto me Melonin dhe Von der Leyen: Mes miqsh
1 Dhjetor 2023, 09:06 -
BERZH mbështet planin prej 4 miliardë eurosh për të larguar Maqedoninë e Veriut nga energjia e qymyrit
17 Nëntor 2023, 09:53 -
Kriza e energjisë, riaktivizohet miniera e qymyrit në Kolonjë
25 Janar 2023, 07:41 -
Negociatorët në samitin e klimës arrijnë marrëveshjen për të dëmshpërblyer vendet e varfra
19 Nëntor 2022, 16:24 -
Zelensky në Samitin e klimës: Botës i duhet paqe për një politikë efektive klimatike
8 Nëntor 2022, 21:26 -
Nuk ka kohë për vonesa në luftimin e ndryshimeve klimatike
8 Nëntor 2022, 07:53
-
Liderët botërorë mblidhen në Egjipt për samitin e klimës, Guterres: SHBA e Kina janë vendet më ndotëse, bashkëpunoni për 'ferrin klimatik', ose vdisni
7 Nëntor 2022, 17:41 -
Samiti për klimën nis punimet në Egjipt me thirrjet për veprim
6 Nëntor 2022, 14:55 -
Ballkani i Hapur/ Shqipëria do të furnizojë Serbinë e Maqedoninë me qymyr! Pala serbe e maqedonase heqin kufizimet për tregtinë e grurit e misrit
26 Korrik 2022, 14:44
