'Sanduiçët' e 'donerat' i ka në makinë'/ Zbardhen përgjimet dhe kodet e policit që shiste kokainë në Bllok

Report Tv zbardh të plotë dosjen e prokurorisë me përgjimet që implikojnë agjentin e krimeve të  komisariatit nr 2 në Tiranë, Ledion Bako, në shpërndarjen e drogës, armëmbajtjen dhe në shpërdorimin e detyrës. Në mbi 5 mijë biseda telefonike të kryera nga Bako, rezulton se ai në bashkëpunim me personat e tjerë të grupit, shpërndanin kokainë në lokalet e natës në zonën e ish-Bllokut. E ndërsa kodet e tyre për çdo rast kur do t’u duhej ta jepnin atë, ishin “këmishë”, “hongër”, “sanduiçë” e “donera”.

Kështu, në një bisedë që mban datën 5 Maj të këtij viti, Ledion Bako bisedon me Arben Bashën, ku i thotë “t’i japë ndonjë gjë me hongër”, ndërsa Arbeni i përgjigjet që ti shkojë ta takojë afër, se është me një tjetër person, i identifikuar me emrin Klevis. Në një tjetër bisedë vetëm dy ditë më pas, Arben Basha me një zë të ulët, i kërkon Ledionit “këmishën” që është te rafti i rrobave në shtëpinë e Ledionit.

Në bisedën që mban datën 27 Prill, në orën 00:20 minuta, personi i identifikuar me emrin Klevis i thotë Ledionit se “sanduiçët” dhe ”donerat” i ka në makinë, duke nënkuptuar kështu sasitë e drogës. Në dosjen e prokurorisë, përshkruhen më së miri edhe rastet kur anëtarë të këtij grupi, flasin edhe me emra konkretë lokalesh. Në një bisedë që mban datën 14 Maj, efektivi i komisariatit 2 dëgjohet të thotë: “….te lokali, ia futëm te Arena,… kishte marrë ai njëzetepesë gram kokainë ai me vete…”.

Ndërsa në bisedën e datës 26 Maj, Braho shprehet: “…me hy, mos me bo kështu lëshime, nuk është e njëllojtë se s’me lënë pesë mijë lekë cigare hashash numri ma… se i kam ble nga dyqind, nga treqind, a kupton…Pikërisht në këtë moment, personi që bashkëbisedon me të i shpreh shqetësimin se po përgjoheshin, duke i thënë “po dëgjohet celulari jot”. Përgjimet kanë nxjerrë në pah edhe rastet kur efektivi Ledion Bako ndërhyn për të punësuar vajza në lokale nate. Nga përgjimi i bisedave që Ledioni bën me një vajzë më 3 Maj, ai i ofron asaj punë te lokali “Loli Pop”, por edhe në lokale në tjera të zonës së ish-Bllokut, pasi i ka miq pronarët e këtyre lokaleve.

Më tej në dosjen e siguruar në Report Tv thuhet se Ledioni merr përsipër prenotime në lokalet e ish bllokut Tiranë si dhe u siguron lëndën narkotike. Në një rast ai ofrohet për të identifikuar shtetase shqiptare me qëllim trafikimin e tyre jashtë shtetit dhe shfrytëzimin e tyre për ushtrim prostitucioni nga lidhje të Ledionit.

Po ashtu, përgjigjet zbuluan se Ledion Bako, në të paktën 5 raste, për shkak të detyrës që kryente, ka ndikuar në mosvënien e gjobave administrative, sa herë që miqtë e tij, njëherazi anëtarë të këtij grupi kapeshin në shkelje nga policia rrugore. Një tjetër rast i evidentuar ishte edhe ndihma anëtarë të grupit i kishin kërkuar Bakos , që të ndërhynte për të kaluar nga VIP-i në Rinas motrën, nipin dhe kunatin e tij. Agjent krimeve në komisariatin nr 2 Tiranë, Ledion Bako u arrestua pak ditë më parë, ndërsa për të gjykata caktoi arrest me burg pa afat. Ndërsa për anëtarët e tjerë, si Aurel Klosi, Ergys Mëçuku dhe Joan Kavaja, u caktua burg me afat 30 ditë, si dhe arrest shtëpie për Arben Basha.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 29/06/2019 21:58

    Hamburger, qebabë e sufllaqe

    Përgjigju
  • REXHEP HAJDAR LEKA [ KEPI ]: 29/06/2019 16:54

    Mereni ledjonin e rrasjani mrena mu ke fena se ha ma suma këti palloshi kok boshi

    Përgjigju
  • Sondazhi i ditës:

    Pritet konferenca e parë ndërqeveritare, mendoni se Shqipëria bëhet anëtare e BE në një kohë të shkurtër?



×

Lajmi i fundit

John

Veliaj në krye të PS së Tiranës, Gjiknuri: Zgjidhja më e mirë në funksion të objektiva politik