Një interpretim emocionues dhe unik që shpërtheu sallën në duartrokitje me këngën që vijon të mbetet aktuale pavarësisht viteve.
“Amara terra mia”, shqip “Toka ime e hidhur” trajton temën e emigracionit, atdheun e largët dhe dëshirën për t’u kthyer sërish.
Siç citoi edhe prezantuesi i festivalit Carlo Conti : “Në fund të fundit trishtimi ka kuptim vetëm nga ekzistenca e lumturisë”.
Domenico Modugno ka fituar 4 herë Sanremon (në vitin 1958, 1959, 1962 dhe 1966), ndërsa kënga e tij më e njohur është “Volare”.
“Faleminderit”, ka shkruar Ermal Meta në Facebook pasi mori trofeun, ndërsa ka postuar edhe një fotografi të këtij momenti që shpresojmë të pasohet nga çmimi i madh i 11 shkurtit.
[gallery]20981[/gallery]
Ermal Meta fitoi këtë trofe duke lënë pas emra të famshëm të muzikës italiane si Albano e Gigi D'Alessio.
Për çmimin e Coverit ishin në konkurim:
Albano – Pregherò
Bernabei – Un Giorno Credi
Chiara with Mauro Pagani – Diamante
Elodie – Quando Finisce Un Amore
Ermal Meta – Amara Terra Mia
Fabrizio Moro – La Jeva Calcistica Della Classe ’78
Fiorella Mannoia with Danilo Rea – Sempre E Per Sempre
Gabbani – Susanna
Gigi D’Alessio – L’Immensità
Comello – Le Mille Bolle Blu
Marco Masini – Signor Tenente
Bravi – La Stagione Dell’Amore
Michele Zarrillo – Se Tu Non Torni
Paola Turci – Un’Emozione Da Poco
Samuel – Ho Difeso Il Mio Amore
Sergio Silvestre with Soul System – La Pelle Nera
Nata e tretë e Edicionit të 67 të muzikës së lehtë italiane "Sanremo Cover", iu kushtua këngëve që kanë bërë histori në artin italian.
Kantautori shqiptar i kushtoi një dedikim të veçantë të gjithë viktimave të tërmetit që godit Italinë dhe të gjithë atyre personave që janë prekur nga fatkeqësitë natyrore.
Nata e tretë e Sanremo nën drejtimin e prezantuesve të njohur Maria de Filipi dhe Carlo Conti dhuroi shumë surpriza ndërsa i ftuari i mbrëmjes ishte këngëtari Mika i cili i kushtoi një homazh artistit George Michael, i cili u nda nga jeta pak muaj më parë.
Artisti shqiptar, u prezantua në këtë edicion me këngën “Vietato Morire” e cila është pritur mjaft mirë nga kritika. 35-vjeçari tregon historinë e një djali që ka parë të ëmën të keqtrajtohej në familje dhe që sërish beson te dashuria si e vetmja rrugë për të rritur fëmijët.
Kantautori Ermal Meta ka marrë pjesë edhe vitin e kaluar në garën e të rinjve me këngën Odio le favole, por emri i tij është i njohur në muzikën italiane, pasi ka shkruar tekste për shumë artistë të mëdhenj të muzikës italiane.
![](https://www.shqiptarja.com/template/img/sh_logo1.png)