Me një interpretim unik të këngës "Vietato morire" një himn kundër dhunë në familje 36 vjecari shqiptar që në natën e për rrëmbeu skenën e Ariston dhe të gjithë publikun. Ky është çmimi i dytë i këngëtarit i cili po ashtu në natën e tretë fitoi një tjetër çmim të rëndësishëm Sanremo Cover kushtuar këngëve që kanë shënuar historinë e muzikës italiane. Me këngën "Amara terra mia" të Modugnos dhe më një zë të fuqishëm Meta firmosi suksesin e tij .
Artisti shqiptar arriti të triumfonte duke lënë mbrapa edhe shumë emra të njohur të muzikës italaine si Al Bano, Giusy Ferreri etj.
Kjo është hera e dytë që kantautori shqiptar merr pjesë në Sanremo, pasi një vit më parë ai u prezantua në kategorinë e të rinjve me këngën Odio le Favole. Kujtojmë se emri i tij është shumë i njohur për muzikën italaine pasi ai është krijues i shumë hiteve të kënduara nga artistët italianë.
Një natë plot surpriza ishte nata finale e edicionit të 67 të këngës italiane, ndërsa Francesco Gabbani fitoi çmimin e parë me këngën ‘Occidentali Karma’ ndërsa në vendin e dytë u rendit këngëtarja e mirënjohur Fiorella Mannoia me këngën ‘Che sia benedetta’ e cila po ashtu fitoi edhe çmimin e shtypit “ Lucio Dalla”.
Sanremo 2017 nën drejtimin e prezantuesve të njohur Carlo Conti dhe Maria de Filipi që në natën e tij të parë ka qenë i mbushur me plot surpriza dhe të ftuar. Nata finale kishte një të ftuar special këngëtari i njohur Zucchero i cili me performancën e tij dhuroi shumë emocione duke drithëruar skenën e Ariston me këngën "Miserere" një duet i improvizuar me tenorin e famshëm Luciano Pavaroti.
[gallery]21002[/gallery]
Redaksia Online
(B.K/Shqiptarja.com)
![](https://www.shqiptarja.com/template/img/sh_logo1.png)