Sarandiotët janë të ndërgjegjësuar, zbrazen rrugët e qytetit

Sarandiotët janë të ndërgjegjësuar. Në rrugë nuk ka aspak gjurmë të një dite feste, por një ditë ashtu si në kohë koronavirusi.  Sa i përket në një përshkrimi më të gjerë të situatës në Sarandë, prej mëngjesit të ditës së djeshme autobusët e linjave interurbane kanë ndërprerë transportin e pasagjerëve. Gjithashtu, prej mbrëmjes së djeshme kanë ndërprerë aktivitetin e tyre baret restorante dhe lokalet e tjera të shërbimeve. Ndërprerja e aktivitetit të disa prej lokaleve ka nisur në mënyrë individuale fillimisht nga një pjesë e tyre kurse në orët e mbrëmjes kanë qenë disa grupe nga Inspektoriati i Shëndetit Publik të cilët kanë dalë në terren për t'u komunikuar këtyre bizneseve se duhet të ndërprisnin aktivitetin si masë kjo në luftën ndaj koronavirusit. Ditën e sotme vihet re se kjo masë është respektuar nga bizneset e bar restoranteve. Qytetarët nga ana e tyre po mundohen të respektojnë masat e rekomanduara duke kufizuar lëvizjet e tyre, të cilat tani bëhen kryesisht për blerjet në supermarkete. Deri në këto momente nuk vihet re rritje e çmimeve, ndërsa në farmacitë e qytetit mungojnë maskat mbrojtëse.

Lajmi kryesor:

Covid-19 'shtyn' për vitin tjetër ditën e verës! Elbasani 'hesht'! Shiroka dhe Viroi 'në festë', s'ka ndërgjegjësim nga qytetarët

B.K.//Shqiptarja.com

TAG:
• dita e veres
• Koronavirus
• koronavirusi ne shqiperi