Scholz pas takimit me delegacionin kinez: Paralajmërova Kinën për përdorimin e forcës kundër Tajvanit

Kancelari gjerman Olaf Scholz i tha parlamentit gjerman të enjten se ai kishte paralajmëruar Kinën gjatë bisedimeve në fillim të kësaj jave kundër përdorimit të forcës për të arritur ndryshime territoriale, veçanërisht kundër Tajvanit.

Scholz priti një delegacion të madh kinez të kryesuar nga Kryeministri Li Qiang në samitin e parë ballë për ballë që nga pandemia këtë javë, në një kohë të rritjes së tensioneve gjeopolitike midis Perëndimit dhe Kinës.

"Ne kundërshtojmë me vendosmëri të gjitha përpjekjet e njëanshme për të ndryshuar status quo-në në Detet e Kinës Lindore dhe Jugore me forcë ose detyrim. Kjo qëndron veçanëruisht për Tajvanin," tha Scholz. “Ne jemi gjithashtu të shqetësuar për situatën e të drejtave të njeriut dhe gjendjen e shtetit ligjor në Kinë”, shtoi ai.

LEXO EDHE:
Nga Suedia në Mbretërinë e Bashkuar, ‘zbërthehet’ rrjeti i spiunazhit kinez në Europë, arrestime e dëbime të shumta

Kina, e cila kurrë nuk ka hequr dorë nga përdorimi i forcës për të vënë nën kontrollin e saj Tajvanin, ka rritur aktivitetet ushtarake pranë ishullit të qeverisur në mënyrë demokratike për ta detyruar atë të pranojë sovranitetin kinez.

Tajvani kundërshton me forcë pretendimet e Pekinit për sovranitetin dhe zotohet të mbrohet nëse sulmohet.

Duke folur para ligjvënësve, Scholz i kërkoi gjithashtu Turqisë që t'i hapte rrugën Suedisë për t'u bërë anëtare e aleancës së NATO-s dhe tha se Suedia duhet të ketë një vend në tryezën e samitit të ardhshëm të NATO-s.

B.V/Shqiptarja.com

TAG:
• Olaf Scholz
• Tajvan
• Kine