POP 5

Lajmet më të lexuara të 5 minutave të fundit

Kosova & Rajoni

Scholzi ia rikujton Vuçiçit Marrëveshjen e Ohrit

Kancelari Olaf Scholz i ka kujtuar presidentit serb Aleksandar Vuçiq obligimet e Beogradit në një bisedë telefonike. Vuçiqi ankohet për sjelljet e Prishtinës.

 

Scholzi ia rikujton Vuçiçit Marrëveshjen e Ohrit

Presidenti Vuçiç dhe kancelari Scholz

Kancelari gjerman Olaf Scholzdhe presidenti serbAleksandar Vuçiq shkëmbyen çështjet më urgjente të hënën në një bisedë telefonike, konfirmuan të dyja palët. Siç tha zëdhënësi i qeverisë në Berlin, u diskutua për "gjendjen e marrëdhënieve dypalëshe".

Në këtë bisedë, Scholz theksoi rëndësinë e dialogutndërmjet Kosovës dhe Serbisë me ndërmjetësimin e Bashkimit Evropian dhe "forcoi mbështetjen e përhershme gjermane” për këtë dialog.

"Në të njëjtën kohë (kancelari) sqaroi obligimet serbe në zbatimin e Marrëveshjes së Ohrit”, tha zëdhënësi i kancelarit Scholz.

Ankesat e Vuçiqit

Vuçiq deklaroi në Instagram se ai "informoi në detaje" kancelarin Scholz për "situatën pothuajse të padurueshme për komunitetin serb në Kosovë dhe Metohi, si dhe shmangien e vazhdueshme të Prishtinës për të përmbushur detyrimet e saj të pranuara dhe të nënshkruara, veçanërisht në lidhje me formimin e Asociacionit të komunave me shumicë serbe".

"Theksova se në këtë rrugë jo gjithmonë të lehtë, ne kemi nevojë për ndihmën e partnerëve tanë, si Gjermania, dhe se ne llogarisim në mbështetjen e vazhdueshme për integrimin evropian, si dhe stimuj konkretë që do t'i jepnin një vrull të ri vazhdimit të reformave, me energji të re për vendet kandidate në rrugën e BE-së”, tha Vuçiq.

Presidenti i Serbisë falënderoi Gjermaninë për "marrëdhëniet e shkëlqyera ekonomike” me Serbinë dhe në veçanti përmendi "potencialet investuese që janë hapur në kuadër të EXPO 2027”./ DW

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46