TIRANË- Në seancën e kësaj të mërkure (24 janar 2024) për masakrën e Gërdecit radha për të dëshmuar ishte e zyrtarëve në Ministrinë e Mbrojtjes dhe ushtarakë të cilët përcaktuan Gërdecin si vendin e demontimit dhe llojin e municionit.
Shkëlzen Madani, - ish drejtor i Shërbimeve Mbështetëse në Ministrinë e Mbrojtjes në vitin 2008, i dënuar për Gërdecin me 3 vite burg, - i pyetur për vendimin 550 të ministrit të Mbrojtjes mbi caktimin e vendit, edhe pse i pasigurtë fajin e kaloi te uniformat ushtarake, duke ia hequr këtë përgjegjësi ish shefit të tij Fatmir Mediu.
“Unë nuk di të them me siguri se kush e ka përcaktuar Gërdecin. Por nga memot që kam parë mund të them që vendi do të vendosej nga palët kontraktuese, domethënë Ushtria dhe firma private që do të merrej me demontimin. Di që më parë ishin përjashtuar edhe vende të tjera si Bërzhita. Kjo do të thotë se janë parë shumë reparte” dëshmoi Madani.
Në lidhje me faksin me emrin “Për Shkëlzenin" Madani pranoi se ky faks kishte mbërritur në zyrën e tij dhe më pas e kishte adresuar Drejtorisë Juridike të Ministrisë pasi nuk ishte në adresë të tij.
"Më erdhi dhe ia kalova drejtorise jurdike se nuk ishte për mua" është shprehur ai.
Madani është një nga bashkëtëpandehurit që ka pranuar të dëshmojë njësoj si Ylli Pinari seancën e kaluar. Në gjyqin e parë të Gërdecit në mars 2012 gjykata e Tiranës e pat dënuar me 3 vite burg dhe 300 mijë lek gjobë.
Ish ushtaraku Zenon Fero, edhe ky i dënuar me 3 vite burg, për të cilat tha se ende nuk e kishte kuptuar pse i kishte bërë, tha para GJKKO se roli i tij ishte vetëm në përcaktimin e municioneve për demontim, për të cilat tha se ishin jashtë përdorimit. I pranishëm në GJKKO si në të gjitha seancat e fundit, vetë ish Ministri i Mbrojtjes nën akuzë Fatmir Mediu, pas seancës tha se dëshmitë vërtetuan se ai s’ka pasur rol.
"Ky proces tregon se ministri i Mbrojtjes s’ka bërë asgjë tjetër veçse ka zbatuar ligjin. Nuk e di nëse do dëshmojë Luan Hoxha, shpresoj që të gjithë të vijnë të dëshmojnë dhe të flasin. Në inertes të zbardhjes së vërtetës të mbajë qëndrimin e vetë siç e mendon dhe si ka vepruar”
Seanca e radhës për ish ministrin e Mbrojtjes, të akuzuar për shpërdorim detyre në lidhje me vdekjen e 26 personave dhe plagosjen e qindra të tjerëve në Masakrën e Gërdecit më 15 mars të vitit 2008, është vendosur të mbahet më 7 shkurt. Në seancën e radhës janë të thirrur dhe Luan Hoxha, ish shefi i Shtabit të Përgjithshëm që ndodhet në Amerikë. Ende nuk dihet si do të merret dëshmia e tij.
Në seancën e mbajtur më 10 janar, dëshmitar ishte edhe ish-drejtori i ndërmarrjes MEICO, Ylli Pinari i dënuar me 15 vjet burg për masakrën e Gërdecit, i liruar pas 6 viteve në qeli, ia faturoi të gjithë përgjegjësinë Forcave të Armatosura. Ndërsa ish-ministri, Fatmir Mediu, i marrë i pandehur nga GJKKO për shpërdorim detyre në masakrën e Gërdecit ku vdiqën 26 persona dhe u plagosën qindra të tjerë, tha para gazetarëve se duhet të deklasifikohen raportet e Këshillit të Sigurisë Kombëtare për çështjen e Gërdecit, një javë pas tragjedisë.
Ish ministri i Mbrojtjes doli nga gjyqi për Gërdecin mbajtur në GJKKO. Në një prononcim për median ftoi të gjithë të dëshmojnë për të thënë të vërtetën.
“Ministri i Mbrojtjes nuk ka bërë asgjë veçse ka zbatuar ligjin dhe detyrën. Shpresoj që të gjithë të vijnë të dëshmojnë e të flasin, në interes të zbardhjes së të vërtetës të dëshmojë për të thënë të vërtetën” tha Mediu
Seancën e radhës prokuroria ka thirrur Luan Hoxhën, ish shefi I shtabit të përgjithshëm që ndodhet në Amerikë. Ende nuk dihet si do të merret dëshmia e tij.
Komente
Lajme të tjera
-
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Apeli i Posaçëm shpall vendimin për Bandën e Cërrikut! Tre anëtarë dënohen me burgim të përjetshëm
21 Nëntor, 19:42 -
Dosja 'Partizani'/ Gjykata Kushtetuese rrëzon Berishën dhe legjitimon SPAK: 'Për detyrimin me paraqitje' nuk nevojitej autorizimi i Kuvendit! 'Ndalimi jashtë shtetit' i panevojshëm! Masa 'arrest shtëpiak' shqyrtohet në seancë tjetër (VENDIMI)
21 Nëntor, 19:10 -
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22
Ore, po budallenj e te paafte i kujtoni ju ushtaraket qe perpiqeni t'ua lini kopilin ne dere?! Ushtria i ka vendet perkatese ku ben demontim armatimesh,po keshtu dhe ekspertet dhe i di rregullat e lojes.Ajo qe ndodhi ne Gerdec,(po bej nje krahasim ndoshta pa vend,por ja vlen per te treguar profesionalizmin ushtarak)eshte njelloj si fishekzjarret.Te ndezura zyrtarisht nga shteti e specialistet piroteknike ushtarake,kane dhene cdo vit kenaqesi per popullin dhe asnje aksident,kurse ato te ndezura nga qytetaret e zakonshem kane sjelle dhe raste aksidentesh.Gerdeci nuk ishte /fishekzjarre/ e vene ne perdorim nga ekpertet piroteknike te forcave te armatosura, qe ju te gjithe jeni kaq te zellshem t'i akuzoni,por nga njerez te tille si Mediu,Berisha,Shkelzeni,Delijorgji,Pinari,etj qe ne mendje kishin vetem fitimin,por jo rregullat e demontimit.
PërgjigjuSi nuk kini turp.?!Po a e diniju o të pa cipë ,se aty u vranë jo 26veta,por u plagosën edhe shumë më tepër se kaqë.Për dëmin ekonomik nuk është prekur fare që i kalon qindra milionë euro.!!!?Ajo vetëm fabrikë nuk mund të quhet!?!?!! Të vjen për të qeshur dhe për të qarë,kur dëgjon disa "kuadro" që.këtë stallë bagëtish e quajnë "fabrikë"Aty përgjegjësi kanë që nga ai që nuk " njihfte baxhanakun"etj ata që sot bëhen copë mbas tij Jo ajo u ngritë për të vjedhur djersën dhe gjakun e popullit,që deri tani s'kemi dëgjuar asnjë person qoftë nga ata të drejtësisë apo të financës të ishin nxjerrë të dhëna për dëmin si dhe për lekët e marra nga malli i shitur ku shkuan kush i mori.
Përgjigjuo plere u vrane 26 vet dhe shkaktare je ti berisha dhe zeni
Përgjigju