Seanca ndaj Frrokut, mungon
sërish dëshmitari i mbrojtu

TIRANE – Për të nëntën herë radhazi ka munguar në seancën gjyqësore ndaj Arben Frrokut, dëshmitari i mbrojtur, identiteti real i të cilit është zbuluar tashmë, Fatmir Vladi.

Por ndryshe nga  seancat e kaluara, të cilat në mungesë të tij janë shtyrë, këtë radhë nën masa të rrepta sigurie dhe pa praninë e mediave në sallën e gjyqit, seanca ndaj të pandehurit për vrasjen e komisarit Dritan Lamaj një vit më parë, ka zgjatur për plot 3 orë.

Avokati Genc Gjokutaj në përfundim të seancës tha për mediat se ka konstatuar shkelje të rënda të Kodit të Procedurës. Sipas tij, dëshmija e Vladit nga organi i akuzës është marrë me shkelje ligjore e për këtë shkak sipas tij, Prokuroria nuk mund ta përdorë si provë.

Fatmir Vladi, deshmitari i mbrojtur nga drejtesia, pretendon se ka pare biznesmenin ne vendin ku u vra Lamaj. Vetem dy jave me pare, ai u be pre e nje atentati te mbetur ne tentative, kur zbuloi se ne makinen e tij i ishte vendosur nje sasi eksplozivi. Prej 15 Shtatorit, kur ndodhi atentati, blutë e Tiranës kanë shtuar masat e sigurisë ndaj tij. 

Të pranishëm në ambientet e Gjykatës kanë qëndruar dhe familjarë të Arben Frrokut si dhe të policit të vrarë Dritan Lamaj, teksa për gjykatën senaca tjetër do të zhvillohet të Mërkurën e ardhshme më 8 tetor.

Paçka se jo zyrtarisht, është Prokuroria e cila pretendon se dëshmija e Vladit do të përdoret shumë shpejt në gjyq për të përmbyllur këtë process, i cili zhvillohet prej dy vitesh në Gjykatën e Krimeve të Rënda.

Avokati: U shkel ligji qe garanton pyetjen e dëshmitarit
Ora 11:50 “Kemi konstatuar shkelje të rënda procedurale, dhe në këtë rast procesi hyn në rrugë pa krye...ata e kanë një dëshmitarë që thonë..ai ka tre katër seanca që nuk po vjen..dhe është shkelur ligji që garanton pyetjen e një dëshmitari...”, u shpreh avokati i Arben Frrokut, Genci Gjokutaj, në përfundim të seancës ndaj të pandehurit Arben Frroku.