TIRANË - Sot, më datë 17 dhjetor 2024, ora 13:00, u çel seanca për shqyrtimin e kërkesës së Kryetares së Gjykatës për deklarimin e mbarimit të mandatit të gjyqtares Holta Zaçaj.
Kryetarja e Gjykatës Kushtetuese, e cila u njoh me praktikën dokumentare të dërguar nga Gjykata e Lartë më datë 16 dhjetor 2024, paraqiti një kërkesë me shkrim për shtyrjen e seancës. Ajo kërkoi kohë të mjaftueshme për të përgatitur dhe paraqitur një opinion lidhur me qëndrimin e Kryetarit të Gjykatës së Lartë në interpretimin e parimeve dhe dispozitave kushtetuese të zbatueshme në këtë rast.
Gjykata, pasi vlerësoi shkaqet e paraqitura, pranoi kërkesën dhe i dha gjyqtares Zaçaj afat deri të hënën, më 23 dhjetor 2024, ora 10:00, për të depozituar opinionin me shkrim. Në të njëjtën kohë, Gjykata vendosi të shtyjë seancën për të njëjtën ditë, ora 13:00, për t’i dhënë trupës gjykuese kohën e nevojshme për të shqyrtuar paraprakisht dokumentin e paraqitur.
Seanca e radhës pritet të jetë vendimtare për çështjen në shqyrtim.
'Sot, më datë 17.12.2024, ora 13:00, u çel seanca për shqyrtimin e kërkesës së Kryetares së Gjykatës për deklarimin e mbarimit të mandatit të gjyqtares Holta Zaçaj.
Gjykata konstatoi se gjyqtarja Holta Zaçaj, në datën 16.12.2024, është njohur me praktikën dokumentare të dërguar nga Gjykata e Lartë, ndërsa përpara seancës së ditës së sotme ka depozituar një kërkesë me shkrim, përmes të cilës ka kërkuar dhënien e një kohe të mjaftueshme për të paraqitur opinionin e saj në lidhje me qëndrimin e mbajtur nga Kryetari i Gjykatës së Lartë sa i përket parimeve kushtetuese dhe mënyrës së interpretimit të dispozitave kushtetuese të zbatueshme në rastin në shqyrtim.
Gjykata, pasi vlerësoi shkaqet e kësaj kërkese, vendosi që ta pranojë atë, duke i lënë kohë, sipas kërkesës, deri ditën e hënë, datë 23.12.2024, ora 10:00, për paraqitjen e një opinioni me shkrim.
Për këto arsye, si dhe për t’i dhënë kohë të mjaftueshme edhe trupës për të studiuar paraprakisht opinionin, Gjykata vendosi të shtyjë seancën për ditën e hënë, datë 23.12.2024, ora 13:00.', njofton Gjykata Kushtetuese.
Gjykata e Lartë e konsideron të mbyllur mandatin e Zaçajt më 10 mars 2025 dhe ka shpallur vendin vakant dhe nisur procedurat për zëvendësimin e saj. Vetë kryetarja Zaçaj thotë se mandati i mbaron në fund të 2025 dhe për këtë ka kërkuar opinion në Komisionin e Venecias.
Lajmi ne perditesim...
Lajme të tjera
-
S'i japin fondin për shtëpinë e dëmtuar nga tërmeti, gruaja proteston e vetme para Ministrisë së Infrastrukturës: Nuk do të iki në Thumanë derisa të marrë paratë
17 Dhjetor, 18:45 -
Lëkundje tërmeti në Shqipëri, epiqendra në Burrel
17 Dhjetor, 18:05 -
Nga Kopshti Botanik te transformimi i akuadromit, Veliaj prezanton disa nga projektet: Numri i shkollave do shkojë në 50
17 Dhjetor, 17:28 -
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17 -
Tiranë/ Aksident i trefishtë në Sauk, një i plagosur! Report Tv siguron foto nga vendngjarja
17 Dhjetor, 17:09 -
Ripërtëritja e Kushtetueses/ Syri kërcënon anëtarët e Gjykatës: Burg nëse ndërprisni mandatin e gruas së Andi Bejtjes, shefit të lajmeve te Syri Tv
17 Dhjetor, 16:47 -
Këshilli i BE-së miraton konkluzionet për Shqipërinë: SPAK po godet korrupsionin! Zbatoni vendimet e Kushtetueses dhe rekomandimet e OSBE/ODIHR e 'Venecias'
17 Dhjetor, 14:27
-
"Martini u vra për herë të dytë, askush nuk merr përgjegjësi!' Prindërit e 14-vjeçarit letër ambasadës së SHBA e institucioneve shqiptare
17 Dhjetor, 14:15 -
Vrasja e Martin Canit, Apeli lë në burg 14 vjeçarin, nuk i ndryshon masën e sigurisë
17 Dhjetor, 14:09 -
Tiranë/ Vjen në jetë fëmija i parë me in Vitro te ‘Koço Gliozheni’ (VIDEO)
17 Dhjetor, 12:46 -
Rinas/ Ilaçe kontrabandë nga Jordania, arrestohen 5 kosovarët! Mbi 1 mln tableta në 14 çanta, përdoreshin edhe për përgatitjen e drogës! Kapen 300 mijë euro cash (EMRAT)
17 Dhjetor, 12:12 -
Kamëz/ Kërcënoi me armë zjarri një 16 vjeçar, arrestohet i mituri
17 Dhjetor, 11:08
