POP 5

Lajmet më të lexuara të 5 minutave të fundit

Politikë

Ligji për Teatrin/ Kuvendi mblidhet sot pa opozitën, dy deputetët e LSI "rikthehen" në Parlament

Ligji për Teatrin dhe raportimi i kryeprokurores Arta Marku për kriminalitetin, dy temat e rëndësishme që pritet të diskutohen në seancën e sotme plenare. Opozita vazhdon bojkotin, por dy deputetë të LSI, Tavo dhe Koka do të paraqiten për procedurë
Ligji për Teatrin/ Kuvendi mblidhet sot pa opozitën, dy deputetët e LSI

Foto ilustruese

TIRANË-Sot në orën 10:00 pritet të zhvillohet seanca plenare në Kuvend. Opozita vazhdon bojkotin, por dy deputetët e LSI-së, Lefter Koka dhe Vangjel Tavo do të marrin pjesë në seancë. Ata do të jenë në Kuvend vetëm për procedurë, pasi janë në limitet e afatit 6 mujor të mosprezencës në sallë. Burime për Report Tv, bëjnë me dije se dy deputetët do të jenë në Kuvend për të shmangur djegien e mandateve dhe më pas do të rilenë menjëherë sallën.

Pas një sërë debati dhe kundërshtimi, në seancën e sotme, pritet të kalojë për rivotim ligji për Teatrin Kombëtar, i kthyer për shqyrtim nga presidenti Ilir Meta.

Ligji për Teatrin u shqyrtua dy ditë më parë në Komisionin për Veprimtaritë Prodhuese, ku u vendos, sipas rekomandimit edhe të Komisionit Europian, të hapet gara për të gjithë operatorët për ndërtimin e një teatri të ri. PD kërkoi dje që të shtyhet data e votimit të ligjit për Teatrin.

Një tjetër pikë e nxehtë gjatë seancës së sotme është edhe raportimi i kryeprokurores së Përgjithshme, Arta Marku. Marku, e zgjedhur 9 muaj më parë, rikthehet për të raportuar para deputetëve për kriminalitetin gjatë vitit 2017.

Opozita ka njoftuar të udhëtojë në drejtim të Vlorës, për të zhvilluar mbledhjen e radhës jashtë Tirane, ndërsa mbetet e paqartë nëse do jenë apo jo në Kuvend, pas thyerjes së bojkotit 2  ditë më parë duke marrë pjesë në komisionin e Veprimtarive Prodhuese ku u diskutua pikërisht ligji për Teatrin. 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Në oborrin e QSUT do të ngrihen dy ndërtesa 5-katëshe, 16 miliardë lekë për ndërtimin e parkingut dhe hotelit

Në oborrin e QSUT do të ngrihen dy ndërtesa 5-katëshe, 16 miliardë lekë për ndërtimin e parkingut dhe hotelit

16 Janar, 17:48