POP 5

Lajmet më të lexuara të 5 minutave të fundit

Ekonomi

Sejko: Vijon trendi pozitiv i kreditimit, rriten pagesat elektronike

Digjitalizimi i Ekonomisë po jep frytet e saj. Shqipëria ka tejkaluar pritshmëritë për përdorimin e pagesave elektronike.

Sejko: Vijon trendi pozitiv i kreditimit, rriten pagesat elektronike

Guvernatori i Bankës së Shqipërisë Gent Sejko

TIRANË- Digjitalizimi i Ekonomisë po jep frytet e saj. Shqipëria ka tejkaluar pritshmëritë për përdorimin e pagesave elektronike. Guvernatori i Bankës së Shqipërisë Gent Sejko, i pranishëm në një takim të zhvilluar nga Banka Botërore, ilustroi me shifra implementimin e pagesave elektronike në vendin tonë.

“Konkretisht, në vitin 2021 është arritur një nivel i përdorimit të pagesave elektronike prej 12.5 pagesash për frymë, duke tejkaluar edhe objektivin e synuar të Strategjisë prej 10 pagesash deri në fund të vitit 2023, ndërkohë që, në vitin 2022, kjo shifër vlerësohet të ketë arritur nivelin 16 pagesa për frymë”.-, tha Sejko.

Sejko, në takimin ku ishin të pranishëm dhe drejtuesit e bankave tregtare, ekspertë të sektorit financiar dhe përfaqësues nga institucionet financiare në vend, tha se edhe kreditimi ka një ecuri pozitive.

“Sektori bankar ka vijuar të ofrojë kushte e terma të favorshëm kreditimi. E konkretizuar me një rritje prej 14% të tij gjatë 2022. Në të njëjtën kohë, cilësia e portofolit të kredisë vijon të mbetet e shëndetshme, sikundër ilustrohet edhe nga treguesi i kredive me probleme, i cili mbetet në nivelet më të ulëta të dekadës së fundit”, tha Sejko.

Në fokus të takimit, ishin financat në sektorin e Bujqësisë, ku sipas Guvernatorit agrobiznesi mbetet një fushë me potenciale të mëdha investimi si nga sipërmarrës të huaj, ashtu dhe vendas, teksa vërejti nevojën për adoptimin e teknologjive të reja.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03