Presidentja Jahjaga tha se marrëveshja e arritur ndërmjet kryeministrit të Kosovës dhe atij të Serbisë, hap perspektivën europiane për të dyja shtetet dhe theksoi se për Kosovën dhe qytetarët e saj është me rëndësi që Bashkimi Europian të miratojë fillimin e negociatave për Marrëveshjen e Stabilizim Asociimit.
Sekretari i Jashtëm britanik, William Hague e vlerësoi arritjen e marrëveshjes ndërmjet Kosovës dhe Serbisë dhe tha se pret zbatimin e saj në praktikë.
Hague po ashtu i dha mbështetje procesit të integrimeve europiane për Kosovën.
Presidentja Jahjaga gjatë qëndrimit në Londër do të takojë kryetarët e Dhomës së Lartë dhe asaj të Ulët të Parlamentit të Britanisë së Madhe, deputetë të Parlamentit, princin Michael të Kentit, ministren britanike në Ministrinë e Jashtme dhe do të nderohet me titullin "Doctor Honoris Causa" nga Universiteti i Durham.
Marrë nga "Radio Evropa e Lirë"
Redaksia Online
(e.s/shqiptarja.com)
![](https://www.shqiptarja.com/template/img/sh_logo1.png)