POP 5

Lajmet më të lexuara të 5 minutave të fundit

Kronikë

Selenicë/ Banorët e dëmtuar nga tërmeti ende pa dëmshpërblim

Familjet e prekura nga tërmeti vitin e kaluar në Selenicë ende nuk kanë marrë dëmshpërblimin e caktuar nga Bashkia. Dy prej familjeve jetojnë në çadër, ndërsa disa të tjera në banesa të rrënuara. Sipas kryetarit të Bashkisë, janë pikërisht këshilltarët ata të cilët mbajnë peng dëmshpërblimin e këtyre familjeve.

Pamjet që po shihni, i përkasin muajit maj të vitit 2018, kohë kur 5 tërmete njëri pas tjetrit dëmtuan 95 banesa në fshatrat e Bashkisë së Selenicës. Tërmeti prekur 95 banesa në fshatrat Matogjin, Vermik dhe Bashaj. Edhe pse gjatë asaj kohe vendi u vizitua nga kryetari i Bashkisë së Selenicës, prefekti i Vlorës apo edhe Shefi i Shtabit të Emergjencave Haki Cako, situata vijon të jetë e njëjtë, pasi asgjë s’ka ndryshuar.

Dy familje qëndrojnë në cadër, ndërsa disa familje të tjera jetojnë në banesa të rënuara nga tërmetet e vitit 2018. Sipas nënkryetarit të Bashkisë Selenicë, Naim Vishaj, ekspertët përcaktuan qartë dëmet si nga ana e Bashkisë ashtu dhe nga qarku.

Vlera financiare për emergjencat civile, dëmshpërblimet e banesave i kaluan Bashkisë së Selenicës, si dhe u aprovuan nga prefektura por janë këshilltarët ata të cilët mbajnë peng dëmshpërblimet e banorëve. Sipas nënkryetarit janë bërë katër mbledhje dhe nuk janë plotësuar numrat për dëmshpërblim të banorëve të dëmtuar nga tërmetet.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça