Senati ia aprovon deputetit titullin e asistentit, burri i presidentes refuzohet

Deputeti Bekim Haxhi i njohur me nofkën Kamishi është zgjedhur asistent, ani pse rregullat e Universitetit të Prishtinës ndalojnë një gjë të tillë.

Sipas nenit 186 të Statutit të UP-së përcaktohet që për titullin “asistent i ri”, kandidatit duhet të jetë nën moshën 28 vjeçare (respektivisht 30 në Fakultetin e Mjekësisë, duke i dhënë prioritet specialist) kur emërohet për herë të parë.
I njëjti status përcakton që për titullin e “asistentit kandidati duhet të plotësojë edhe këtë kusht: Të jetë nën moshën 35 vjeçare.

Deputeti i PDK, Haxhiu është 40 vjet, ka notë mesatare më të lartë së 8 dhe si i tillë nuk i plotëson kriteret për asistent, përderisa rastin e kanë bërë të ditur dy studente që ishin nën 30 vjeç.

Vendimi për aprovimin e Kamishit është marrë sot nga senati i UP-së.

Të shtunën se për të njëjtat arsye është refuzuar për tu bërë asistent burri i Presidentes, Atifete Jahjaga, Astrit Kuçi.
/rg/shqiptarja.com/