Në veri të Mitrovicës janë tubuar edhe sot disa qytetarë serbë, për të shprehur, siç kanë thënë, presionin në rritje ndaj komunitetit të tyre. 
 
Para të tubuarve, përfaqësuesi i serbëve të Mitrovicës, Kërstimir Pantiç, ka shprehur kundërshtimin e fuqishëm ndaj institucioneve kosovare.

Ai ka përmendur sërish njërin nga shkaqet e organizimit të protestës, që është arrestimi i Jovica Milkoviqit, duke thënë se nëse ky i fundit nuk lirohet deri të hënën, serbët do të marrin “hapa më radikalë”.

Serbët kanë paralajmëruar protesta të përditshme në veri.
/rg/shqiptarja.com/