Serbët protestojnë në Rudarë të Kosovës, policia bënë thirrje për protestë paqësore: Ruani qetësinë, mos bini pre e provokimeve  

Policia e Kosovës ka bërë thirrje që protesta e cila po mbahet në Rudarë të jetë paqësore. Gjithashtu, i ka apel qytetarëve të jenë të vëmendshëm, të ruajnë qetësinë dhe mos të bien pre e provokimeve për shkak të të sigurisë të krijuar nga grupet kriminale në veri të vendit dhe tendencës për destabilizim.

“Angazhimet policore në forcimin e rendit dhe sigurisë publike, ofrimi sigurisë ndaj qytetarëve si dhe ndërmarrja e masave policore konform situatës dhe zhvillimeve në veri të vendit, do të vazhdojnë të mbesin ndër objektivat dhe detyrat primare të Policisë së Kosovës.

LEXO EDHE:
Këshilli i Evropës: Kosova mbetet jashtë agjendës së takimit

Sot, në veri të Mitrovicës është paralajmëruar të mbahet një protestë/tubim, andaj lidhur me këtë Policia e Kosovës duke njohur të drejtën për tubime publike përmes protestës paqësore, sipas detyrës zyrtare kujdeset për ruajtjen e rendit dhe qetësisë publike si dhe detyrave të përcaktuar sipas Kushtetutës së Republikës së Kosovës.

Duke ditur rrethanat dhe situatën e brishtë të sigurisë të krijuar nga grupet kriminale në veri të vendit dhe tendencës për destabilizim të situatës, Policia e Kosovës fton qytetarët që të kenë vëmendje dhe kujdes të shtuar përgjatë thirrjes së kësaj proteste, të protestojnë në mënyrë të qetë dhe të mos bien pre e provokimeve të mundshme, të çfarëdo natyre qofshin ato.”, thuhet në njoftimin e policisë së Kosovës.

Lajmi kryesor:

Tensionet në veri të Kosovës, protesta pa incidente e serbëve në Rudarë! Sveçla: Nëse KFOR-i nuk vepron, do i heqim vetë barrikadat

S.C/Shqiptarja.com

TAG:
• kosove
• Albin Kurti
• tensione ne veri te kosoves
• serbi