POP 5

Lajmet më të lexuara të 5 minutave të fundit

Kosova & Rajoni

Serbi, anketimi: Vetëm 18% e
serbëve pro njohjes së Kosovës

Sipas një hulumtimi të Institutit Strategic Marceting, kundër njohjes së Kosovës janë 74% e serbëve, 18% do ta njihnin, ndërsa të tjerët nuk kanë përcaktim sa i përket kësaj.
BEOGRAD - Gati 54 për qind e të anketuarve mbështesin hyrjen e Serbisë në Bashkimin Evropian, kurse anëtarësimin e Serbisë në NATO e mbështesin vetëm 18.3 për qind e qytetarëve të Serbisë, tregon një hulumtim i Institutit Strategic Marceting.
 
Sipas këtij sondazhi, të cilit i referohet "Koha Ditore" në Kosovë kundër njohjes së Kosovës janë 74 për qind e serbëve, 18 për qind do ta njihnin, ndërsa të tjerët nuk kanë përcaktim sa i përket kësaj.
 
Partia Progresiste Serbe në zgjedhjet parlamentare që do të mbaheshin tashti, do të fitonte 38.6 për qind të votave, Partia Demokratike 15.2, Partia Socialiste 9.4, Partia Liberal-Demokrate e Çedomir Jovanoviçit 6.2 dhe Partia Demokratike e Serbisë (V.KOshtunica) 5.3 për qind.
 
Është interesante se pothuaj 37 për qind e votuesve sipas të gjitha gjasave nuk do të dilnin në votime.
 
Sa i përket politikanëve, më popullori është Aleksandar Vuçiq, të cilit i besojnë 42 për qind e qytetarëve, të cilin e pasojnë Tomisllav Nikoliq me 26 për qind mbështetje, Ivica Daçiq me 15, Boris Tadiq me 11 dhe Dragan Gjillas me 9 për qind të mbështetjes.
 
Në këtë sondazh nuk janë përfshirë serbët e Kosovës. 

Redaksia Online
(mag/shqiptarja.com)

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01