Serbia, dy modele për Kosovën
Platforma përgjigje për Prishtinën
Modeli i Tirolit jugor dhe ai i Epenit në Belgjikën Lindore janë dy variantet që do të paraqesë të premten Serbia për Platformën e Kosovës. Siç njoftojnë mediat serbe, ky diskutim do të kryehet nga presidenti serb Tomislav Nikoliç me drejtuesit më të lartë të shtetit të Serbisë.
Drejtuesit më të lartë të shtetit të Serbisë pritet të takohen të premten me Presidentin Tomislav Nikoliç për të diskutuar mbi detajet kryesore të asaj çka prezantohet si Platforma për Kosovën.
Gazeta e përditshme "Veçernje Novosti" citon burime qeveritare nga Beogradi ndërsa thotë se do të ofrohen në tryezë disa variante.
"Opsionet kryesore janë dy: Modeli i Tirolit jugor dhe ai i Epenit në Belgjikën Lindore që do të vlenin për gjithë territorin e Kosovës. Gjithësesi do të diskutohen edhe opsione të tjera të njohura në të drejtën ndërkombëtare", shkruan gazeta.
Diplomacia e Beogradit synon gjetjen e një zgjidhjeje të mundshme që e përjashton pavarësinë, por që do të nënkuptonte autonomi esenciale në bazë të Rezolutës 1244 të Këshillit të Sigurimit të Kombeve të Bashkuara.
Gazeta serbe shkruan se platforma do të jetë përgjigje ndaj Rezolutës për normalizimin e marrëdhënieve ndërmjet Beogradit e Prishtinës, të cilën po e përgatit dhe do ta miratojë parlamenti i Kosovës. Sikurse thotë burimi i gazetës në fjalë, nëse Këshilli i Evropës vazhdon të insistojë në “respektimin e tërësisë tokësore të Kosovës” atëherë do të pasojë trysnia e madhe diplomatike e Beogradit që Kombet e Bashkuara të angazhohen si mediator në negociatat politike për statusin final të Kosovës.
Beogradi do të insistojë në Kombet e Bashkuara, në formatin sipas të cilit një përfaqësues do të ishte nga vendet e BE që nuk e kanë njohur Kosovën, e dy të tjerë nga ndonjë kontinent tjetër.
"E krahas kësaj, Beogradi me siguri do të insistojë që negociatat të zhvendosen nga Brukseli", konfirmon gazeta serbe.
(d.m/s.f/Shqiptarja.com)
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
53.1%
-
Jo
33.2%
-
Nuk e di
13.8%
Vota total: 1800
Votat totale janë unike
Lajme të tjera
-
Tuneli i Llogarasë
29 Korrik, 08:09
-
A ka fuqinë ta shkatërrojë demokracinë një president amerikan?
29 Korrik, 08:08
-
Deputet, nga 'Hiçi'
29 Korrik, 08:07
-
Posti i komisionarit të Zgjerimit të BE-së bëhet sërish tërheqës
29 Korrik, 08:03
-
Ndryshimet në qeveri, pritet dekreti i Begajt! Rama mbledh grupin e PS, pasdite seancë e posaçme në Kuvend
29 Korrik, 07:32
-
A mund të shkaktojë luftë mes Izraelit dhe Hezbollahut sulmi që vrau 12 fëmijë?
29 Korrik, 07:29
-
Rikthehet i nxehti afrikan, sot temperatura deri në 40 gradë celsius
29 Korrik, 07:21
-
Një pikë kthese që mund të sjellë ndryshime në jetë...çfarë thonë yjet për ju sot
29 Korrik, 07:14
-
Mero Baze: Disa këshilla për folësen e shkëlqyer Helena Kaçi
28 Korrik, 22:55
-
Veliaj: Kongresi, përgatitje për fitoren e madhe të Edi Ramës dhe PS-së në 2025: Më e mira është përpara
28 Korrik, 22:49
-
Elbasan/ Burri plagosi me thikë ish gruan, arrestohet, 48 vjeçarja dërgohet në spital (EMRI)
28 Korrik, 22:45
-
Erdogan kërcënon Izraelin: Ashtu siç kemi hyrë në Karabak dhe Libi, do bëjmë të njëjtën gjë me ta
28 Korrik, 22:26