Serbia: Kemi 220 miliardë dollarë
prona në Kosovë

BEOGRAD - Sipas dokumentacionit ekzistues, pronat që pretendon Serbia në Kosovë vlejnë mbi 220 miliardë dollarë. Siç shkruan sot e përditshmja e Beogradit, “V.Novosti”, gazetë pro-qeveritare, të cilës i referohet "Koha Ditore" në Kosovë vetëm pasuria e serbëve të përndjekur, siç i quan kjo gazetë serbët që janë larguar vetë nga Kosova, kalon vlerën e 4 miliardë dollarëve.

Përveç 580 mijë hektarëve të tokës bujqësore, pyjore e për ndërtime, që është në pronësi të shtetit të Serbisë, ajo është edhe pronare e 1,4 milionë metrave katrorë të lokaleve zyrtare, 145 mijë metrave katrorë të ndërtesave afariste dhe 25.999 metrave katrorë banesa. Të gjitha këto, shkruan  kjo gazetë, ndodhen në shenjestër të shitjes së kundërligjshme.

Me mijëra hektarë të tokës pjellore të Kosovës, pronë e subjekteve ekonomike serbe, përmes privatizimit ilegal nga Agjencia Kosovare e Privatizimit po u shiten “pronarëve” të rinj (siç i fut në thonjëza këta “Novosti”) – shqiptarëve.

Shefi i Grupit për gjyqësi në Zyrën për Kosovën (të Qeverisë së Serbisë), Igor Popoviç, citohet nga “V.Novosti” të ketë thënë se “tjetërsimi i pronës së ndërmarrjeve serbe, përkatësisht aksionerëve gjatë vitit të fundit po zhvillohet i përshpejtuar.

“Qëllimi është shkatërrimi i pozitës ekonomike, por edhe hapësinore të Bashkësisë së ardhshme të komunave serbe”, citon kjo gazetë Popoviçin. 
 
Redaksia Online
(mag/shqiptarja.com)