Serie A: Rizzoli dhe Orsato
do vendosin titullin kampion

Do të jetë pikërisht Nicola Rizzoli i kolegjiumit të Bologna, "bilbili" që do të drejtojë të dielën në darkë në "San Siro", derbin vendimtar të këtij sezoni mes Milan e Inter. Në krahun e tij do të jenë asistentët Niccolai dhe Di Liberatore, ndërsa arbitri i katërt Banti.

Derbi milanez përfaqëson një pengesë serioze për kuqezinjtë, në synimin për tu rikonfirmuar kampion. Nëse Milan dështon të marrë 3 pikët dhe Juve fiton, atëherë diskutimi për serinë A është i mbyllur.

Edhe sfida tjetër emocionuese Cagliari-Juventus, e cila do të luhet të dielën në orën 20.45 në Trieste, do të gjykohet nga Daniele Orsato i kolegjiumit të Schio, ndërsa asistentë janë Manganelli e Padovan.(rb/shqiptarja.com)