Serie A e futbollit në Itali do ta zhvillojë të gjithë raundin e 37-të, ose të parafundit të sezonit, këtë të dielë në katër orare të ndryshme. Gara në elitën e futbollit italian bëhet për zonën evropiane dhe ekipin e fundit që do rrëzohet në Serie B, pasi Interi e ka siguruar titullin kampion dy javë më parë dhe sot do të festojë me tifozët në stadiumin 'Meazza' dhe në rrugët e Milanos për shkak se kjo është ndeshja e fundit në shtëpi.

Pesë takimet e para të ditës do të fillojnë në një orë jo shumë të zakonshme për futbollin në Itali, në orën 12:00. Për shkak se pranë stadiumit 'Olimpico' në Romë në orën 17:00 do të zhvillohet finalja e tenisit 'Italian Open' mes Sinner dhe Ruud, derbi mes Romës dhe Lazios do të fillojë në orën 12:00. Veç këtij dueli, po në këtë orar do të luhen edhe sfidat e skuadrave në garë për një vend në Evropë; Como - Parma, Genoa - Milan, Juventus - Fiorentina dhe Pisa - Napoli.

Interi do të përballet me Veronën e rrëzuar në Serie B në orën 15:00. Përpara ndeshjes në 'Giuseppe Meazza' do të ketë festë, ndërsa pas ndeshjes do të ndahen medaljet dhe trofeu i kampionit në Serie A, me festën që do të vijojë në rrugët e Milanos me autobus të hapur, për të përfunduar pas orës 22:30 në 'Duomo', ku futbollistët do të ngjiten në një nga tarracat për të përshëndetur tifozët.

Në 18:00 do të luhet Atalanta - Bologna. Në orën 20:45 do të marrin jetë tre ndeshjet e fundit për këtë të dielë në Serie A. Cagliari do të përballet me Torinon, Sassuolo pret Leccen, ndërsa Udinese përballet me Cremonesen.

Serie A e futbollit në Itali do ta zhvillojë raundin e fundit, atë të 38-të të dielën e javës që vjen, ku do të mësohen edhe verdiktet finale për Evropën dhe mbijetesën.

Serie A, raundi i 37-të (i parafundit):

E diel, 17 maj 2026

12:00

Roma - Lazio

Como - Parma

Genoa - Milan

Juventus - Fiorentina

Pisa - Napoli

15:00 Inter - Verona

18:00 Atalanta - Bologna

20:45

Cagliari - Torino

Sassuolo - Lecce

Udinese - Cremonese

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Maj, 10:01

    PS e PD miratojnë rezolutë, besoni se do anëtarësohemi në BE deri në 2030?

Lajme të tjera