Loti 2 i rrugës Qukës-Qafë Plloçë ka pësuar sërish dëmtime pranë zonës së quajtur Kthesa e Trebinjës. Report Tv ishte në aksin ku janë pësuar dëmtimet dhe siç shihet nga pamjet, kompania mirëmbajtëse ka nisur me punën për rregullimin e aksit. Aksi i dëmtuar ndodhet në afërsi të kthesës së Trebinjës, ku janë evidentuar ulje të niveleve në shtratin e rrugës.

Kompania duke punuar për rregullimin e rrugës

Në muajin janar një pjesë tjetër e shtratit të rrugës, vetëm 500 metra larg dëmtimit të evidentuar tani, pësoi zhytje për shkak të rrëshqitjeve të strukturës. Por, edhe ai segment nuk është kthyer në normalitet, ndërsa duket se situata është përkeqësuar në të. Qarkullimi për mjetet është i orientuar vetëm në njërën korsi.

Dëmtimi i lotit të dytë Qukës-Qafë Plloçë në janar (ende i parregulluar)

Kalvari i dëmtimeve të rrugës Qukës-Qafë Pllocë ka nisur që prej inaugurimit të saj. Rruga Qukës–Qafë Plloçë ka kushtuar 260 milionë euro. Gjatë ndërtimit, ajo u tenderua nga ARRSH-ja në tre lote.

Loti i dytë i cili ka pësuar çarjen është ndërtuar nga kompania “ALB-BUILDING”, me aksionere Odhise Breshen dhe Pëllumb Beten. Ashtu si loti i parë i ndërtuar nga kompania “2T” e vëllezërve Sako, edhe ky segment rezultoi mjaft problematik.

 

SI.E./A.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Griti: 06/05/2026 10:17

    Po shiu ku eshte?? Se ja vune fajin shirave heren e pare. Po tani kujt do ja vene??

    Përgjigju
    • ALB Patriot: 06/05/2026 11:06

      Keshru do vemi te Evropi?!

  • Sondazhi i ditës: 14 Maj, 10:01

    Debati për integrimin, besoni se do anëtarësohemi në BE deri në 2030?

Lajme të tjera