“Fakti që Nikolic u deklarua kundër heqjes së barrikadave në veri nga trupat e KFOR-it, e bën atë përgjegjës direkt për situatën e krijuar dhe për këtë ai do të japë llogarin në Bruksel”, deklaron Server për të përditshmen kosovare “Express”.
Server vijon më tej se autorët që nxitën përleshjet i përkasin pjesës radikale të serbëve në veriun e vendit.
“Nuk ka dyshim në mendjen time se ata që kanë gjuajtur mbi trupat e KFOR-it janë kriminelë dhe KFOR-i duhet t’i arrestojë. Ju siguroj se Angela Merkel nuk do të jetë e gëzuar me faktin se ushtarët gjermanë mbetën aty të plagosur. Kur Nikolic thotë ato që ka thënë, atëherë ai e ka bërë veten përgjegjës për ato që kanë ndodhur në veri. Pra, duhet të presim se si do të reagojë Merkel dhe çka do t’i thotë Nikolicit”, ka thënë Server. (ns/shqiptarja.com)
![](https://www.shqiptarja.com/template/img/sh_logo1.png)