POP 5

Lajmet më të lexuara të 5 minutave të fundit

Ekonomi

Sezoni gjen Pogradecin pa punëtorë në hotele e restorante! Të rinjtë ikin gjatë verës në Maqedoninë e Veriut e në Greqi! Operatorët turistikë: Shkak i braktisjes, pagat e ulëta

Në Pogradec kanë nisur rezervimet për pushimet e verës, por mungesa e krahut të punës ka vënë në vështirësi njësitë hoteliere. Shkak janë pagat e ulëta, pasi bizneset nuk arrijnë ti paguajnë as 40 mijë lek në muaj punëtorët, ndaj ata zgjedhin të ikin në Greqi e Maqedoninë e Veriut

Qyteti liqenor i Pogradecit mbetet destinacion i preferuar për shqiptarët sidomos gjatë 3 muajve të verës. Rezervimet janë në masën 40 për qind për në hotele e bujtina, por operatorët turistike po vuajnë mungesën e krahut të punës.

Faton Likollari thotë se në biznesin e tij ka nevojë për 4 punëtorë.

“Nuk ka fluks por kemi pritshmëri për qershorin. Prenotimet janë në rritje. Turizmi vendas kryesisht nga Tirana, Elbasani, Fieri një shtrirje e gjere, por edhe të huaj vijnë, si Gjermania që zë vendin e parë por dhe nga Greqia dhe vendet fqinjët. Jemi në prag sezoni dhe duam të shtojmë numrin e punëtorëve dhe kjo pjesë është e dobët. Numri i të rinjve që kanë preferuar të largohen ka qenë në rritje 2-3 vitet e fundit, sidomos në sektorin e turizmit. Në subjektin tim do të kisha nevojë për 3-4 punëtorë që nuk i kam dhe që jam në kërkim dhe shpresoj ti gjej”, shprehet Faton Likollari, menaxher i një restoranti.

Edhe Arben Muçollari që ka një biznes të vogël, punon vetëm me bashkëshorten pasi nuk ofrohet asnjë i ri për kamarier.

“Nuk ka kamerier more nuk po gjejnë po marrim nga klasa e 8 dhe 9, duhet me marr pleq, ta kisha gjyshin gjallë do e kisha marr gjyshin kamarier. Unë punoj vetem me nusen se s’ka njerëz kanë ikur të tanë. Lodhemi dy muaj kemi është sezonal, unë dimrit e mbaj mbyllur, duhet me I marr nga Bangladeshi e Siria, po ata duhet me i sigurt. 10 deri në 15 mijë lek në ditë po rata duhet ti sigurosh” Arben Muçollari - Menaxher.

Lavderim Miminllari,  nga shoqata e biznesit tha për Report Tv se aktualisht në sektorin e turizmit ka nevojë për kamarier e kuzhiniere, por pagat e ulëta bëjnë që të rinjtë të rendin për punë sezonale në vendet fqinje, si Greqi dhe Maqedoninë e veriut.

“Kemi mungesë të fuqisë punëtoreve si kamerierë dhe kuzhiniere, 18-20 për qind në 22 hotele që ka qyteti i Pogradecit. Pagat e ulëta janë shkak që largohen punonjësit largohen në Maqedoni! Ka disa biznese që nuk kanë mundësi të paguajnë 400 mijë lek/muaj. Kemi një mangësi tjeter që është informaliteti. Të rinjtë largohen në Greqi e Maqedoninë e veriut dhe kjo është shkaku që kemi mungesë të fuqisë punëtore”, tha Lavdërim Miminllari,  nga shoqata e biznesit.

Pogradeci numëron 1800 shtretër të hotelerisë, dhjetëra bare-restorante buzë liqenit dhe 1900 banesa që vendasit i lëshojnë me qira gjatë verës. Siç operatorët turistikë na tregojnë, fluksi shtohet nga qershori në gusht, ndërsa gjatë 9 muajt e tjerë te vitit frekuentohet fare pak gjatë fundjavave.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aurel: 30/05/2023 21:09

    Po ne Strugë japin paga 800-900 euro në muaj c'të tonë në Pogradec kot ti marin me përqindje se ndryshe t'a veshin vetë përparësen

    Përgjigju
  • Molo: 30/05/2023 16:25

    Pagat e ulta po metri katror edhe ne Pogradec po kap 900 Euro, me nje panorame te dhjere dhe me njerez hajdute. Edhe Shkodren po e coni 1,2,3000 EUR metri.

    Përgjigju
    • Timoni: 30/05/2023 16:34

      Las Vegas baby Las Vegas

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kjo Krishtlindje është ftesë për të përjetuar magjinë... Çfarë thonë yjet për ju sot

Kjo Krishtlindje është ftesë për të përjetuar magjinë... Çfarë thonë yjet për ju sot

25 Dhjetor, 07:26