Sezoni nis me fluks në Morinë, 9800 qytetarë nga Kosova, marrëveshja e kalimit pa kontroll shmangu radhët në kufi

Fundjava në Pikën e Kalimit Kufitar të Morinit, ka nisur me një fluks të lartë të mjeteve dhe qytetarëve kosovarë, të cilët i drejtohen bregdetit shqiptar. Vetëm në orët e para të ditës së shtunës, në pikën e kalimit kufitar në Kukës Morinë, kaluan rreth 5 600 automjete të vogla dhe autobusë me rreth 9 800 qytetarë, një pjesë e të cilëve kanë nisur edhe pushimet sezonale.

Pavarësisht fluksit të lartë, nuk u krijuan radhë teksa zbatohet marrëveshja e dy qeverive për kalimet pa kontrolle në kufi për sezonin turistik, e cila mori fuqi nga 1 qershori. Kjo marrëveshje për qytetarët e Kosovës është lehtësuese për shmangien e pritjeve në kufi.

Një pjesë e tyre mendojnë se kontrollet nuk duhet të jenë mes Shqipërisë e Kosovës, në asnjë periudhe të vitit.

Marrëveshja me fuqi operuese  nga 1 qershori deri më 15 shtator u nënshkrua në mbledhjen e përbashkët të dy qeverive qershorin e vitit të kaluar ndërsa ky është viti i dytë i zbatimit të saj.

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite