Sezoni turistik/ Nis rregullimi i hapësirave të plazheve, miratohet rregullorja me 18 pika

Shqipëria po përgatitet të presë një numër të madh turistësh këtë sezon turistik. Pritshmëritë për  këtë vit janë të mëdha, ndërkohë institucionet përkatëse, kanë filluar të marrin dhe masat për të mirëpritur turistët.

Masa e parë është marrë për turizmin në bregdet, duke qenë se gjatë muajve të verës, bregdeti shqiptar është destinacioni i preferuar për mijëra turistë shqiptarë dhe të huaj. Qeveria ka miratuar një rregullore të re për plazhet private. Rregullorja përmban 18 pika dhe parashikon që operatorët të cilët lidhin kontrata me bashkitë për të marrë me qira një hapësirë në plazh për një afat nga 1 deri në 5 vite, duhet të respektojnë disa kritere.

“Ndarja e hapësirave të plazhit përmes kontratave të lidhura që në fund të Marsit, është një risi e kësaj VKM-je e miratuar nga Këshilli i Ministrave, sikundër është risi dhe vendosja e qartë e detyrave që duhet të ketë një operator privat në menaxhimin e një stacioni plazhi. Duhet ti garantojë cilësinë pushuesit, sigurinë e plazheve, kullën e vrojtimit, sinjalistikën  bregdetare e përcaktuar qartë. Në rast të kundër nëse vërtetohen se operatori privat nuk ka siguruar të gjitha ato që janë përcaktuar tashmë në vendimin e Këshillit të Ministrave, do bëhet shkak për prishjen e kontratave dhe ti kalohet  menaxhimi pushtetit vendor”, tha Rovena Moçka, drejtore e në Ministrinë e Turizmit.

Saranda pret që përgjatë këtij viti të ketë një rritje akoma më të madhe të fluksit turistik. Janë operatorët turistikë ata që edhe pse përgjatë muajve të dimrit, puna e tyre ka vijuar me lidhjen e kontratave me operatorë dhe agjenci turistike ndërkombëtare.  Nga informacione të siguruara nga agjencitë turistike, numri i prenotimeve online në hotelet e Sarandës dhe Ksamilit për këtë sezon turistik është shumë më i lartë se viti i kaluar.

Ndërsa Bashkia Durrës ka nisur punën ditë më parë për të pritur sezonin e ri turistik.  Në plazhin  e Shkëmbit të Kavajës i cili shtrihet nga derdhja e përroit në plepa deri në kufizimin me Golemin,rrugët janë asfaltuar.  Ndërkohë po në këtë plazh po ndërtohet shëtitorja 1,5 km e gjatë në buzë të rërës së plazhit në bashkëpunim me subjektet private.

 “Pushteti vendor duhet ta kontraktojë hapësirën bregdetare që ka në dispozicion për pushuesit deri në 31 Mars, të vitit respektiv dhe duke i dhënë në këtë mënyrë kohën vetes, operatorëve privatë, dhe gjithë institucioneve që janë pjesë e task forcës të menaxhimit të turizmit si sektor, të identifikohen dhe të merren të gjitha masat për të pritur turistët e shumtë”, tha Moçka.

Ministri i mjedisit Blendi Klosi mblodhi  task forcën e Turizmit ne Shkodër. Në prag të sezonit turistik ai kërkoi që në muajin maj të jenë të ndara stacionet e plazhit .Voltana  Ademi , kryetare e Bashkisë Shkodër tha se shpejt do jetë çdo gjë gati ndërsa vuri theksin tek siguria dhe lufta ndaj kriminalitetit.

 “Zyrat e informacionit turistik janë funksionale që në maj. Në Velipojë do nisim gjithashtu në maj çeljen e sezonit të ri turistik, ku kalendari i aktiviteteve i financuar nga bashkia Shkodër ka parashikuar 32 aktivitete kulturore dhe artistike”, tha Vokshi.

Diskutim ka zënë dhe zhbllokimi i rrugës së Thethit nga dëbora dhe gjithashtu ngërçi i pajisjeve me certifikata pronësie të banorëve atje, ç'ka nuk i lejon këto trashëgimtarë të kullave shekullore të investojnë më shumë në bujtina dhe turizëm të qëndrueshëm

Ndërsa në qytetin e Vlorës, sezoni turistik tashmë ka nisur. Edhe këtë fundjavë me dhjetëra qytetarë nga Kosova kanë mbërritur në port për t’ju drejtuar brigjeve te Sazanit dhe Karaburunit .

Për Report tv ata janë shprehur të kënaqur për çfarë ofron qyteti i Vlorës.

 “Ne kemi filluar që në fillim të muajit Mars, në fillim të muajit prill vazhdojmë çdo fundjavë, siç e keni ndjekur vetë janë me qindra turistët e huaj që vijnë në Vlorë, përvec Sazanin dhe Karaburunin kemi edhe destinacione të tjera sic është Zvërneci. Tani që qyteti i i Vlorës ka ndryshuar totalisht të gjithë janë të kënaqur, kemi mundësi pafund që turistët të shijojnë ato ditë që rrinë në Vlorë”,  u shpreh një qytetar.

Ndërkohë për kreun e operatorëve turistike Vasil Bedinaj ,turistët kanë nisur ta vizitojnë Vlorën shumë më herët se qytetet e tjera.  Sipas Bedinaj, çelja e sezonit është e vonuar ,ndërsa kërkesat e turistëve janë të shumta.

 “Ne kemi filluar që në fillim të muajit Mars, në fillim të muajit prill vazhdojmë çdo fundjavë, siç e keni ndjekur vetë janë me qindra turistët e huaj që vijnë në Vlorë, përveç Sazanin dhe Karaburunin kemi edhe destinacione të tjera sic është Zvërneci. Tani që qyteti i i Vlorës ka ndryshuar totalisht të gjithë janë të kënaqur, kemi mundësi pafund që turistët të shijojnë ato ditë që rrinë në Vlorë”, tha Bedinaj.

Rëndësi të vecantë, i është kushtuar dhe turizmit malor. 

 “Ka filluar të marrë zë dhe turizmi Malor, veçanërisht zona e Thethit, Shkodrës, Tropojës, Dibrës, që edhe jashtë sezonit turistik ka turistë  të shumtë, duke shtuar rëndësinë e turizmit në Shqipëri”, tha Moçka.

Në një atmosferë plot energji, qytetet bregdetare dhe jo vetëm, pritet të dynden nga turistë të shumtë gjatë muajve të nxehta të verës.

B.K./r.k./Shqiptarja.com

TAG:
• turizmi ne shqiperi
• rovena mocka