Sezoni veror, plazhet pa vëzhgues në Pogradec, privati shkel ligjin! Bashkia: U kemi lënë dy ditë afat, pritet ndërtimi i kullave të vrojtimin në vijën liqenore

Siguria e plazheve mbetet një nga çështjet më të diskutuara sidomos pas tragjedisë së Vilëbashtovës. Ashtu në bregdet edhe në qytetin liqenor të Pogradecit konstatohet mungesa e vëzhguesve, sidmos në plazhet private. Ndërsa në plazhet publike, buzë liqenit të Ohrit rojet e plazhit janë prezentë por sipas pushuesve duhet shtuar numri i tyre.

“Kemi parë ndonjëherë roje, por jo ashtu siç duhet. Janë pak!”- tha ai.

“Këtu vrojtues nuk kemi parë, mungon kultura ne vendin tonë se në çdo shtet tjetër të botës ka vrojtues në plazhe”, thanë pushuesit.

LEXO EDHE:
Pogradec/ Tre jetime me nënën shurdhmemece jetojnë në kushte të vështira! 19 vjeçarja kërkon ndihmë për motrën e sëmurë

Në Pogradec momentalisht nuk ka kulla vrojtimi, por bashkia thotë se brenda këtij sezoni pritet të ndërtohen 7 të tilla përgjatë vijës liqenore prej 6 kilometrash.

“Kemi konstatuar se vrojtuesit nuk gjenden në vendin e punës. Brenda dy ditësh do dalim sërish në kontroll dhe do u hiqet licenca atyre bizneseve që kapen në shkelje”, tha  Enjela Karafili, e cila drejton grupin e task-force. Ajo shtoi se “brenda këtij sezoni do të ndërtohen 7 kulla vrojtimi”.

Korriku është muaji me fluksin më të lartë, ku janë të ezauruara të gjitha kapacitet në hotele dhe shtëpitë e pushimit. Përafërsisht përllogariten afro 12 mijë turistë aktualisht në Pogradec, mes tyre dhe të huaj.

G.MO/r.k./Shqiptarja.com

TAG:
• pogradec
• Korce
• siguria ne plazhe